#APATV #taksi #şirkət #sürücü #cərimə #Bolt #Uber #BNA #VÖEN #texnikipasport #sənəd #avtomobil #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Taksi şirkətləri və sürücülər cərimələnə bilər
Bu gün ölkə ərazisində kifayət qədər taksi xidmətləri fəaliyyət göstərir. Amma bu xidmətlərin fonunda həm sürücülər müştərilərdən narazıdır, həm də müştərilər sürücülərdən. Elə sosial şəbəkələrdə də zaman-zaman sürücülərin müştəriləri ələ salmasının şahidi oluruq.
Videodan da gördüyünüz kimi sürücü etik davranış qaydalarını kobud şəkildə pozaraq müştəriyə “sən” deyə müraciət edir. Adı çəkilən Nayim adlı şəxs isə kimdirsə, müştəri də tanımır.
Problem təkcə bu cür dialoqlarla bağlı olsaydı, nə vardı ki?! Taksi mövzusunda bir az çox danışanda, necə deyərlər, “Kərəmi ağlamaq tutur”. Bəs sürücülərlə müştərilər arasında başqa hansı problemlər yaşanır? Bu sualımıza cavabı həm sürücülərdən, həm də sərnişinlərdən almağa çalışdıq.
- Bir dostumun başına gəlmişdi. Sürücü maşının qapılarını bağlamışdı və ya getdiyi yerə aparmır, məkandan uzaqlaşır.
- Nömrələrimizi istəməsələr daha yaxşı olar. Ünvanları yaxşı bilmirlər, tıxac olanda söyüş söyürlər. Kartla ödəniş edəndə problemlər olur.
- Hər halda bunu bütün sürücülər etmir. Müştərinin damarın tutmaq lazımdır, hansı ilə necə danışmaq lazımdır.
- Müştərilərlə narazılıq qiymətlərdə olur, “Bolt”, “Uber” çox ucuz aparırlar, o da sərf eləmir.
- Ən böyük problem odur ki, sürücülərimiz “xidmət haqqı” anlayışı nədir bilmir. Qəpik verəndə “hörmətsizlik edirsiniz” deyirlər. Sürücülər sərnişinlərə hörmət eləmir, mən bu rəftarı Azərbaycanda görmüşəm. Elə olub elə biliblər əcnəbiyəm, iki qat ödəniş tələb ediblər.
- Bir manata taksi olar, heç qamburger 1 manat deyil. Sırağa gün 0.80 qəpiyə burdan park bulvara apardı. “Uber” , “Bolt” camaatın axırına çıxıb.
Belə, hər iki tərəfin bir-birindən narazı olduğu kifayət qədər məqam var. Bəs belə narazılıqların baş verməsinin əsas səbəbi nədir?
Nəqliyyat üzrə ekspert Rövşən Həsənov deyir ki, artıq sosial şəbəkələrdə bu cür hadisələr o qədər qabarıq şəkildə nümayiş olunur ki, artıq dövlət tərəfindən qanunlar vasitəsi ilə bu hallar tənzimlənməlidir və bu kimi mübahisələrin qarşısı alınmalıdır: “Nağd ödənişlərdə qalığı qaytarmamaq, yüksək musiqiyə qulaq asmaq, nalayiq sözlərdən istifadə eləyən, bir sözlə, normal psixi durumu yerində olmayan insanlar bu cür mübahisələr yaradır. Bu baş verən hallar artıq bir siqnal kimi qəbul olunmalıdır”.
“Norma” Hüquq Mərkəzinin direktoru Şamil Paşayev bildirir ki, sürücü müştərini videoya çəkə, səs yazısını yaya bilməz. Belə olarsa, müştəri sürücünü və xidmətindən istifadə etdiyi şirkəti məhkəməyə verərək, təzminat ala bilər: “Sürücülər taksi şirkətlərində 10-15 saat dayanmadan işləyirlər bu da onlarda aqressiya yaradır. Acıqlarını da müştəridən çıxırlar. Təbii ki müştəri bunları alacaq adam deyil. Müştəri məhkəməyə verib həm Bolt şirkətindən, həm də sürücüdən təzminat almaq hüququ var. Sürücülərin bu cür etik davranış kodekslərini pozması yolverilməzdir”.
Qeyd edək ki, qanunvericiliyə əsasən taksilər fərqlənmə nişanı ilə fəaliyyət göstərməlidir. Bu nişan isə BNA tərəfindən təqdim edilir. Bakı Nəqliyyat Agentliyinin Mətbuat xidmətinin rəhbəri Mayis Ağayev bildirdi ki, hər bir sürücü rahat formada müraciət edərək avtomobili üçün fərqlənmə nişanını əldə edə bilər. Bunun üçün sürücünün VÖEN-ni olmalıdır, nəqliyyat vasitəsinin müvafiq sənədləri, o cümlədən, texniki pasportu, avtomobili idarə etməyə hüququ olduğunu göstərən sənəd olmalıdır.
Bəs fərqlənmə nişanını almaq məcburidir? Bəli. Bu gün istər şirkətlərə bağlı sifarişli, istərsə də yolüstü fərdi taksilərin 90%-i fərqlənmə nişanı olmadan qanunsuz fəaliyyət göstərir.
Mütəxəssislər düşünür ki, problemin həll yolu məsələnin Milli Məclisə çıxarılması və mövcud qanunvericilikdə dəyişikliyin olmasıdır.
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: kzfaq.info...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv