Рет қаралды 3,025
Արշակունիների դամբարանը Արագածոտնի մարզի Աղցք (Ձորափ) գյուղում է: Այստեղ ամփոփված են հեթանոս և քրիստոնյա հայ Արշակունի թագավորների աճյունները։ Թվագրված է 4-րդ դարի երկրորդ կեսով: Արշակունիների արքայատոհմը միակն է հայկական իրականության մեջ, որ դամբարան ունի: Փավստոս Բուզանդի վկայությամբ պարսից Շապուհ 2-րդ արքան, 364թ.-ին գրավելով Անի-Կամախը, բացել է այնտեղ թաղված հայ արքաների գերեզմանները և փորձել աճյունները Պարսկաստան փոխադրել, որովհետև հեթանոս պարսիկների պատկերացմամբ հայ թագավորների ոսկորների հետ միասին Պարսկաստան կփոխադրեին նրանց «փառքը, բախտն ու քաջությունը»։ Սակայն Վասակ Մամիկոնյան սպարապետը, Այրարատ նահանգում հաղթելով պարսիկներին, խլել է այդ մասունքներն ու թաղել Աղցքում։