«Таза Қазақстан» республикалық экологиялық акциясының “Киелі мекен” апталығы аясында Қазалы мен Арал ауданы шекарасындағы Ақирек жатаған тауында экологиялық акция өтті. Аралдықтар Арыстан баб кесенесінің айналасын тазартып, гүл егетін алаңқайларды қопсытты.
Арыстан баб туралы аңыз көп. Қазақстан бойынша оның екі жерде жәйі бар екендігі айтылады. Соның бірі Ақиректе. Экологиялық акцияға қатысушылар алдымен баба рухына құран бағыштады.
ҮРГЕНІШБАЙ ҚУАТОВ - ӨЛКЕТАНУШЫ // Әулие бабамыздың Ислам халқының тарихында алатын орны үлкен. Неше түрлі аңыздар бар. Аңыздың артында шындық бар. Бұл енді арғы ғасырларға кетіп қалады. Бірақ сол халықтың жадынан ұмытылмай, сол Арыстан бабтың соңғы келген жері осы шеткі Ақиректің тауы. Бұл халықтың санасынан еш уақытта өшпейді. Сондықтан ел болып осыны үлкен дәрежеге көтерсек деп жатырмыз.//
«Арыстан баб» кесенесі жергілікті маңызы бар тарихи және мәдениет ескерткіштері тізіміне алынған. Тазалық жұмыстарына қатысшуылар зират маңын әктеп, сырлап, асхана, тілеухана ғимараттарының түскен жерлерін сылады. Аумағын күл қоқыстан тазартты.
АМАНЖОЛ ОҢҒАРБАЕВ - АУДАН ӘКІМІ // Осы жерде тазарту жұмыстарын жүргізу көптен бергі айтылып жүрген еді. Осыны қолға алмас бұрын ақсақалдармен ақылдасып, баба басының таза ұстауын қадағалауды сұрадық. Қазір кәсіпкер азаматтармен ақылдасып баба басына дейін жол салуды, жарық пен суды тартуғада өздерінің қолдайтындарын айтып отыр. Осы арқылы туризмді дамытсақ деп отырмыз. Қазірдің өзінде бұл жерге күн сайын жүздеген адам келіп тәу етеді. Сол үшін барлық жағдай жасалу керек.//
Аудан әкімінің айтуынша, алдағы уақытта Ақбай елді мекенінен 9 шақырым жердегі тау төбесіне Арыстан бабтың құрметіне заманауи кесене тұрғызылмақ. Ол үшін алдымен жол салынып, ауыз су мен электр жарығын жеткіу көзделіп отыр. Бұл бұл баба рухына көрсетілген құрметпен қатар туризмді дамытудың бастауы, дейді.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv