Դեպի Սուրբ Երկիր քրիստոնեական ուխտագնացության խճանկարը ձևավորվել է երկու հազարամյակների ընթացքում: Աշխարհի տարբեր ծայրերից այստեղ եկող ուխտավորները բերել են սեփական պատմություններն ու թողել իրենց հիշողությունները:
Ֆիլմի հեղինակները քննում են այդ պատմությունների նշանակալից էջերը և բացահայտում ինքնաճանաչողության մի շարք արժեքավոր կողմեր: Հայ ուխտավորների հետքերով` նրանք անցնում են մարդկության պատմության երկու առանցքային կետերի միջև ընկած ճանապարհը` Արարատի գագաթից մինչև Սիոն:
Ֆիլմի հեղինակների համար նկարահանումները վերածվեցին անմոռանալի ուխտագնացության, և երբեմն նրանք անձամբ վերապրեցին այն դժվարություններն ու վտանգները, որոնց հանդիպում էին ուխտավորները, ովքեր իրենց կոչում էին «մահտեսի»:
Կինոնկարը բացահայտում է ուխտագնացության ոգին, որը դարեր շարունակ պահել-պահպանել է Ավետյաց երկրի սրբատեղիներն ու վանքերը: Անչափելի ինքազոհողության ու ջանքերի գնով ուխտավորները եկել են այս սրբավայրեր` Աստծո երկրային ներկայությանը հպվելու համար:
Հանդիսատեսին հնարավորություն է տրված ուխտավորների աչքերով դիտելու սրբատեղիները: Բազմիցս պատկերված այս խորախորհուրդ վայրերը ֆիլմում բացվում են նորովի, իրենց վերերկրային էությամբ ու մարդկային կյանքը վերափոխող զորությամբ:
Ֆիլմի առանցքային տեսարաններից են Սբ Հարության տաճարը գիշերով, Զատկական գունեղ պատկերը Երուսաղեմում, Քրիստոսի գերեզմանից հանվող լույսի արարողությունը, Սինա լեռը Եգիպտոսում, Հուդայի անապատի վանքերը, Արարատի գագաթը:
• Սցենարի հեղինակ եւ պրոդյուսեր
Տ. Մեսրոպ քհն. Արամյան
• Ռեժիսոր
Էդգար Բաղդասարյան
➡️ website fromararattozion.com/
➡️ wikipedia hy.wikipedia.org/wiki/%D4%B1%...
➡️ website vem.am/hy/
➡️ Facebook: / vemradio
➡️ Instagram: / vemradio
➡️ Twitter: / vemradioyerevan
©Նյութի հեղինակային իրավունքները պատկանում են «Վէմ» կրթամշակութային հիմնադրամին: Նյութերն արգելվում է օգտագործել առանց համապատասխան համաձայնության:
E-mail vem@vem.am, info@vem.am
#vemradio #FromArarattoZion #ՏերՄեսրոպ #vem