Рет қаралды 4,099
Հոկտեմբերի 2-ին Արգել համայնքում կայանալիք գյուղապետի ընտրությանն առաջադրված թեկնածու Աշոտ Նալբանդյանը մեղադրում է մրցակցին՝ գործող գյուղապետին, արգելված քարոզչություն անելու համար։
Նյութի հրապարակումից հետո Արգելի համայնքապետի վստահված անձը «Ազատությանը» փոխանցեց հետևյալ հաղորդագրությունը․ - «Երեկ մամուլում «Արգելի գյուղապետի թեկնածուն մեղադրում է մրցակցին արգելված քարոզչություն անելու համար» վերնագրով շրջանառվել են տեղեկություններ այն մասին, որ Արգել համայնքի ղեկավարն արգելված քարոզչություն է իրականացնում՝ օգտագործելով տոնի պատրվակը և Հայջրմուղի աշխատողի հետ այցելում տներ և խոստումներով ու սպառնալիքով պահանջում իրեն ընտրել։
Վերը նշվածն ամբողջությամբ ապատեղեկատվություն է և չի համապատասխանում իրականությանը։
Զրպարտչական տեղեկատվությունը հեղինակի կողմից չհերքվելու դեպքում ձեռնարկվելու են օրենդրությամբ սահմանված բոլոր միջոցները հեղինակին պատասխանատվության ենթարկելու համար։
Սուրբ Գևորգի տոնի հետ կապված պարզաբանմանը կարող եք ծանոթանալ «Հրապարակ» օրաթերթի այսօրվա համարում»: