Рет қаралды 21,579
Արփա-Սևան թունելը կառուցվել է տասնամյակներ՝ Սովետական Հայաստանի 3 ղեկավարների օրոք, բացվել 1981թվականին։ Վլադիմիր Մովսիսյանի կարծիքով, շատ մեծ էր Սովետական պետության ղեկավար Նիկիտա Խրուշչովի դերը, իսկ վոլյունտարիզմի համար նրան առաջադրված մեղադրանքի մեջ նաև այս թունելի կառուցումը կար։
«Հայտնի անհայտը» հաղորդաշարի այս ֆիլմում թունելի կառուցմանը, բացմանը և հետագա շահագործմանը վերաբերող շատ հետաքրքրիր դրվագներ կան, մեծ մասը՝ հրապարակված առաջին անգամ։ Սակայն կարևորը խմելու ջրի և ընդհանրապես ջրի պաշարների հարցն է, որով հարուստ է Հայաստանը (ի դեպ, թունելը բացվելուն պես Կարեն Դեմիրճյանը մտադիր էր Սևանի ջուրը շշալցված արտահանել)։ Մասնագետները համարում են, որ արտահանելու համար Հայաստանում ամենաթանկ ապրանքն է ջուրը, և որ տարածաշրջանում պետք է դերակատար դառնա սրանով. «Առաջ ո՞նց էր՝ հացը սնդուկի մեջ էր, բանալին՝ ամենահեղինակավոր տատիկի գրպանում։ Էսօր մեր ունեցվածքը փական պետք է ունենա»,-ֆիլմում ասում է պետական գործիչ Վլադիմիր Մովսիսյանը։