Түркістан облысы Арыс қаласында белгісіз біреулер аулада отырған бір топ адамға оқ жаудырған. Мылтық оғы тиген төрт азаматтың екеуі сол жерде ажал құшқан. Олардың бірі боксшы, бес баланың әкесі болған Алмас Жолдасов. Куәгерлердің айтуынша, өз үйінде отырған оны бет-аузын тұмшалаған, әскери киімдегі азаматтар атып өлтірген. Басына тиген оқтан 37 жастағы азамат оқиға орнында көз жұмды. Ал осы қанды оқиғадан кейін бүкіл Арыс тұрғындары үреймен отыр. Себебі, облыстың полицейлері бой тасалаған күдіктілерді екі күннен бері қолға түсіре алмай отыр.
НАЗЕРКЕ ҮКІБАСОВА, тілші:
- Арыстықтарды аяқтан тік тұрғызған атыс Байтұрсынов көшесіндегі құрылысы аяқталмаған үйде болған. Үй иесі Алмас Жолдасов әкесінен қалған шаңыраққа жөндеу жұмыстарын жүргізу үшін Алматыдан бірнеше күн бұрын ғана келіпті. Осылай деген куәгерлер қылмыстың арнайы ойластырылып жасалғанын айтады. Себебі мылтық асынған екі жігіт үйге мотоциклмен кіріп, қарбыз жеп отырған төртеуге оқ жаудырды дейді.
ОРАЗ АҚЫЛБЕКОВ, куәгер:
- Тоқтаңдар. Атам қазір деді. Кейін қарай жүріңдер деді. Сонымен кейін қарай жүрдік. Шарбақтың түбіне барып едік. Дарбазаның ішіне кіріңіздер деді. Сәл тұрдық та қайтып шықтық. Қайтып барсақ, мотоциклге мініп екі жігіт военный киініп алған. Мініп кетіп қалды. Ештеңе көрінбейді. Көзі де көрінбейді оның. Бойлары кішкентай. Қолдарында Калашников болды.
Қарудан атылған оқтан оқиға орнында екі адам тілге келмей көз жұмған. Бірі үй иесі 37 жастағы Алмас Жолдасов болса, екіншісі 23 жастағы Жандәулет Қабылов. Бірінің артында бес баласы, екіншісінің бір айлық сәбиі қалды. Осылай деген марқұмның жақындары екеуі де спортшы болғанын айтады.
ӘУЕЗХАН АҚЫЛБЕКОВ, марқұм Алмас Жолдасбековтың туысы:
- Өзі бірбеткей жүректі жігіт ол. Біреуден қорқып, ол жағын айтпайды ғой бізге. Біреуді бір атып өлтіріп, ондай болған жоқ. Кірсек, тура осындай времянка соғылған. Навес қасында сыртта футболкамен ет бетінен жатыр екен. Оқ осы оң жаққа тиген. Қабырғаны опырып жіберген. Тігіп қойған. Сосын шүйдесіне.
Ал, атылған оқтан аман қалған тағы екі тұрғын қазір ауруханада жатыр. Екеуі де үй иесінің сыныптастары екен. Бірі тәртіп сақшысы болып жұмыс істейді. Не болғанын түсініп үлгермедік деген олар көп ұзамай ауруханадан шығарылуы мүмкін. Себебі, жағдайлары бірқалыпты.
ТАЛҒАТ ТӘЖІМЕТОВ, Арыс аудандық ауруханасы хирургия бөлімінің меңгерушісі:
- Бірінші науқаста огнестрельное ранение, сол қолтығына тиген. Сегіз-тоғыз пытыралар бар. Басқа жері аман. Екінші науқас сайга деді. Бір арнасы бар. Оқтың входы бар, выходы жоқ. Тері астында қалып кеткен.
Қазір Арыс қаласындағы көше бойында қару асынған полицейлер тізіліп тұр. Себебі, адам өлтірді деген күдіктілер екі күннен бері қолға түспеген. Ал Арыс халқы жантүршіктірерлік оқиғадан соң көшеге шығуға қорқып қалғандарын айтады. Дегенмен, полицейлер оқ атқандарды жақын күндері ұстайтындарына сенімді.
ЕРМЕК СӘРСЕНБАЕВ, Түркістан облысы полиция департаменті криминалдық полиция басқармасының аға жедел уәкілі:
- Қазіргі уақытта арнайы жедел тергеу тобы құрылды. "Ұстап алу" жоспары қабылданды. Күдіктілердің жеке басын анықтау мен оларды ұстау бойынша қажетті іс-шаралар жүргізілуде.
Айта кетсек, екі адам қайтыс болып, тағы екі адам жарақат алған бұл оқиға бойынша әзірге тек Қылмыстық кодекстің 201-ші, яғни "бөтеннің жер учаскесіне заңсыз кіру" бабымен іс қозғалған.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал