Рет қаралды 704,299
Түркістан облысының әкімі Өмірзақ Шөкеев Арыстағы әскери бөлімдерден басталған өрт әлі бірнеше күн жалғасуы мүмкін дейді. Ал, қырық мыңнан астам халқы бар Арыс қаласы мен маңайдағы іргелес елдімекендердегі халық түгелдей жан-жаққа көш түзеген. Қаланың қақ ортасындағы үйлерді опырып құлатқан снарядтардан шошыған жұртшылық бір мезете жан-жаққа өре түрегелген. Шымкентке келер күре жол мен Сарыағаш бағытындағы трасса көліктен кептелген. Көліксіз жаяу қашқандар да аз емес. Көшеде көлігін тастап кеткендер де байқалады.