Алып мегаполиске айналған 17 жасар жас қаланың өткені, бүгіні мен болашағына да бір үңілейік. 1997-ші жылы Елбасы «Алмалы шаһардағы астана Ақмолаға көшеді» дегенде саясаткерлердің пайымы қандай болды? Халық бұл бастаманы қалай қабылдады?
1998 жыл. Ол кезде қазіргі Астана шағын ғана диқаншылардың қалашығы еді. Аз ғана уақытта бұл шаһар алып мегаполиске айналады деп ойлаудың өзі қиын болатын.
Алайда қысылтаяң уақытта Нұрсұлтан Назарбаев астананы көшіру туралы шешім қабылдады. Саясаткерлердің некен саяғы ғана қолдау білдірсе, көбі бұл бастамаға күле қараған болатын.
Осылайша қақаған қыстың ортасында қазақ елінің астанасы Арқаның төсіне ауды. Ол кезде «Елорда қас қағым уақытта гүлденіп, зәулім ғимараттары алыстан мен мұндалап тұрады» дегенге көпшілік сенбеген болатын.
Алайда отандық және шет елдің ең үздік деген архитекторлары Астананың жаңа келбетін қалыптастырды.