Рет қаралды 24
Елімізде ағымдағы жылдың 6 сәуірнен бастап «Таза Қазақстан» республикалық экологиялық акциясы жүріп жатыр. Акцияның әр аптасы белгілі бір тақырыптарда өтуде.
3-ші аптада - «Жасыл аймақ» күні ағаш көшеттерін отырғызу, екпелерді әктеуге арналады.
Осыған орай, Ақмола облысы Ішкі саясат басқармасының «Қоғамдық даму орталығы» КММ «Таза Қазақстан» республикалық экологиялық акциясы аясында «Жасыл аймақ» күніне орай 50 түп қарағай көшеттерді отырғызды.
Аталмыш акцияға Ақмола облысы Ішкі саясат басқармасы басшысының орынбасары Жандаулет Қылышбаев, Саяси жұмыс және қоғамдық даму бөлімінің басшысы Алмат Нүкенов, «Қоғамдық даму орталығы» ұжымы, «Байтақ» қоғамдық бірлестігінің төрағасы Марат Кәрімов, «Ауыл» партиясы мүшесі Асылхан Шарипов және Көкшетау қаласының қоғам белсенділері мен қала жастары өз үлестерін қосты.
Құрметті Көкшетау қаласының тұрғындары! Облыс аумағын көркейтуге және көгалдандыруға атсалысайық!
#жасылаймақ #тазақазақстан