Алматы облысында атышулы Ұзынағаштағы қанды оқиғаға қатысты сот процесі басталды. Алайда жәбірленуші тарап қылмыс аяғына дейін тергеліп бітпей тұрып, сот отырысы ерте басталып кетті деп наразы. Марқұмдардың туыстарының айтуынша, қылмыстық топтың құрамы үш емес, кем дегенде бес адамнан тұрады. Ал кейіннен ұсталған үшінші күдіктіден сот залында ішімдік иісі мүңкіп тұрды.