Manqabat e Aala Hazrat Imam Ahmed Raza Khan:
Aye Raza Aye Bareily Ke Shah
Kalam : Khalifa e Huzur Tajushariah Hazrat Allama Salman Raza Fareedi Misbahi Sahib Qibla
Sanakhwan:
Bulbul e Chamanistan e Raza Al Haj Muhammad Sadiq Razvi
Lyrics 👇
اے رضا ، اے رضا
عشقِ نبی قبلہ ترا، پیغامِ حق، خطبہ ترا، خورشید فن تیری جبیں، تو ہند میں فیضِ معیں، اے رضا اے رضا
ہر رنگ ہےتازہ ترا، چاروں طرف شہرہ ترا، تو گوہرِ صدق و یقیں، تو ہند میں فیضِ معیں
اے رضا اے رضا
اے بریلی کے شاہ
جیسےخورشید، جیسے نُجوم و ہلال
جگمگاتا ہےیوں تیرا فضل وکمال
تیری ذات مُبیں، جلوۂ شاہِ دیں
توخداکی عطا، اے رضا اے رضا
آبروئے سخن ، تاجدارِ قلم
نورِ بزمِ عَرَب ، مَہرِ چَرخِ عَجَم
رُوئے علم وہنر ، اِسقدر خوب تر
جسپہ عالَم فدا، اے رضا اے رضا
دین کی شان تو،حق کی پہچان تو
باغ ایماں کا ہے، اک نگہبان تو
تیرا رنگِ عمل ، منفرد بـے بدل
حق کاتو آئینہ، اے رضا اے رضا
رب کی آیات میں ایک آیت ہے تو
صرف حضرت نہیں اعلٰی حضرت ہے تو
اہلِ حق نے کہا ، میرے سرکار کا
تو ہےاک معجزہ، اے رضا اے رضا
شاہِ برکات نے ایسی سوغات دی
بڑھ گئ تاب جس سےکمالات کی
پھرہُوا چارسو، دہر میں کُو بَکُو
آپ کا غلغلہ، اے رضا اے رضا
حُجَّۃُ اللہِ فی الارضْ"ہےتیری ذات
مُعتَمَد مُستَنَد تیری ہر ایک بات
ہے اکابِر اصاغر کا محبوب تو
اے امام ھُدٰی، اے رضا اے رضا
تیرے سر پر مُجدّد کا تاجِ حسیں
تیرا سینہ عُلومِ علی کا امیں
قُطبِ ارشاد تو، نور بغداد تو
نائب مصطفی، اے رضا اے رضا
فقہ میں وقت کا بوحنیفہ ہے تو
زُہدمیں غوثِ اعظم کاجلوہ ہےتو
فخر اہلسنن، اے ولئِّ زمن
مرحبا مرحبا، اے رضا اے رضا
وقت کےفتنوں پر، وار تونے کیا
ہم کو بر وقت بیدار تونے کیا
تیرا فیضان ہے تیرا احسان ہے
ہم پہ بے انتہا، اے رضا رضا
خوشنماہے یہ عرس رضاکا سماں
علم کےچاند تارے ہیں اترے یہاں
تیرےگھرکی چمک کم نہ ہو حشر تک
برسےفضل خدا، اے رضا اے رضا
شُکر ہے ہم کو تاج الشریعہ ملے
روشنی ہیں جو دونوں جہاں کیلیے
جن میں تیری جھلک، تیرے فن کی چمک
جن میں تیری ادا، اے رضا اے رضا
کررہےہیں طلب تیرا فیضان ہم
در پہ پھیلائے ہیں اپنا دامان ہم
بخش دیجےہمارے دل وجاں کو بھی
اپنےفن کی ضیا،اے رضا اے رضا
ہوسکیں گےنہ اوصاف تیرے رقم
میری حدسےفُزوں تیراعلمی حرم
خستۂ فن فریدی ، تو شہکارِ فن
توکجا من کجا، اے رضا اے رضا
اے بریلی کے شاہ
اے پیکرِ عشق و وفا ، سب پر عیاں جلوہ ترا، صد آفریں صد افریں
تو ہند میں فیضِ معیں، اے رضا اے رضا ،اے بریلی کے شاہ
بیٹا ترا نوری میاں ، بیٹا ترا حامد رضا ، بیٹا ترا اختر رضا ، بیٹا ترا عسجد رضا، کتنا حسیں، کیا دلنشیں، تو ہند میں فیضِ معیں، اے رضا اے رضا
اے بریلی کے شاہ