Рет қаралды 1,324
16 fevral 2024-cü il tarixində Sabit Rəhman adına Şəki Dövlət Dram Tetrında “Azərbaycan musiqi xəzinəsində klassik və müasir qarmon ifaçılığı” adlı çox maraqlı, samballı, təntənəli, zəngin repertuarlı və daim xatırlanacaq bir tədbirin təşkil olundu. Bu tədbir Şəkinin gənc musiqiçiləri Xəyal Cabiroğlu və Taleh Xəlilovun təşəbbüsü, çalışqanlığı, zəhməti, Şəki-Zaqatala Regional Mədəniyyət İdarəsi, Mədəniyyət İşçiləri Həmkarlar İttifaqının Şəki rayon komitəsinin dəstəyi ilə baş tutdu.
Çox maraqlı, bədii cəhətdən zəngin bu möhtəşəm tədbirin birinci hissəsində Şəkinin gənc qarmon ifaçıları, uşaq musiqi məktəblərinin müəllimləri- Asim Bayramov, Taleh Xəlilov, Xəyal Cabiroğlu, Elbrus Mustafayev, Fuad Məmmədov, Şəki Regional Musiqi Kollecinin tələbəsi Hüseyn Rəsulzadənin, ikinci hissədə fəxri qonaqlar- əməkdar artist, sənətşünaslıq üzrə fəlsəfə doktoru, professor Zakir Mirzə, xalq artisti, dosent Ənvər Sadıqov, sənətşünaslıq üzrə fəlsəfə doktoru, dosent Aydın Əliyev, ustadlar-Zair Mustafayev (Şəki), Şəmsi Ağamalıyev, İlqar Kərimov, Nemət Hüseynov, gənc virtuoz Orxan Mirnatiqoğlunun ifası təqdim olundu.
Tədbiri çox dəyərli musiqi bilicisi, sənətşünaslıq üzrə fəlsəfə doktoru, Əhsən Rəhmanlı idarə etdi.