Рет қаралды 69,789
12+
Xəlil heç bir günahı olmadan əmisioğlu Bəhmənin yerinə uzun illər həbsdə yatır. Bu illər ərzində isə Bəhmən ali təhsilini başa vuraraq həkim olub. Xəlil həbsxanadan azad olunduqdan sonra doğma kəndində sadə bir həyat tərzi keçirir. Bəhmən uzun illər sonra təsadüfən kəndə gəlir və iki əmioğlu yenidən rastlaşır. Xəlil hər şeyi bir anlıq unudaraq Bəhməni çox yaxşı qarşılayır, hətta evinə qonaq gətirir. Lakin o Bəhmənin ova getmək istəyini biləndə bir anlıq hər şeyi xatırlayır və anlayır ki, ov tüfəngi ilə adam öldürən əmisi oğlu Bəhmənə bütün bunlar dərs olmayıb.
Filmin çəkilişləri Qəbələnin Turyançay qoruğunda və Savalan kəndində, Abşeronun Xırdalan qəsəbəsində, Sulutəpədə, Masazırda, Bakıda, Qubada, Umbakı qəsəbə qəbiristanlığındakı Sofi Həmid pirində və pavilyonda aparılıb.
Film İsi Məlikzadənin “Küçələrə su səpmişəm” əsərinin motivləri əsasında çəkilib.
İstehsalçı: Azərbaycanfilm
Müddət: 82 dəqiqə
İlk baxış tarixi: 02.08.2004
Büdcə: 200.000 dollar
Texniki göstəricilər: 35 mm, 4:3
Janr: lirik-psixoloji dram
Mükafatlar:
1. Humay Milli Mükafatı (2005, Bakı)
2. VII Şərq-Qərb Kinofestivalı - qadınlıq rəmzini tərənnüm edən ən yaxşı obraz - Mehriban Zəki (2005, Bakı)
Rejissor: Nicat Feyzullayev
Ssenari müəllifləri: İsi Məlikzadə, Nicat Feyzullayev
Operator: Kənan Məmmədov
Rəssamlar: Rafis İsmayılov, Rafiq Nəsirov
Bəstəkar: Rauf Əliyev
Rollarda: Fuad Poladov (Xəlil), Rasim Balayev (Bəhmən), Mehriban Zəki (Teybə), Əliabbas Qədirov (Çərkəz), Amid Qasımov (Xəlilin gəncliyi), Elnur Kərimov (Bəhmənin gəncliyi), Vüqar Hacıyev (Tağı), Vidadi Əliyev (Əziz kişi)