25 აპრილს ჩატარდა მიმდინარე სალექციო სესიის ბოლო შეხვედრა. ლექცია თემაზე: "აზერბაიჯანის ისტორია - ალბანეთიდან XIX საუკუნემდე" წაიკითხა ისტორიის დოქტორმა სარდიონ ზედელაშვილმა. მან დაწვრილებით ისაუბრა დღევანდელი აზერბაიჯანის ტერიტორიაზე კავკასიის ალბანეთის სახელმწიფოს შექმნისა და დასასრულის შესახებ. ამის შემდეგ ამ ტერიტორიაზე დაიწყო თურქული მოდგმის ტომების დამკვიდრება და სახანოების შექმნა. მოგვიანებით, მე-20 საუკუნის 20-იან წლებში სამხრეთ კავკასიაში დიდი პოლიტიკური რყეევბის შემდეგ ჩამოყალიბდა აზერბაიჯანის სახლმწიფო.
ლექციას ესწრებოდნენ ასევე ახალგზრდები საინგილოდან, რომელთა შეკითხვებზეც მათ ამომწურავი პასუხები მიიღეს. ბატონმა ლექტორმა უპასუხა აუდიტორიაში დასმულ შეკითხვებს. მადლობას მოვახსენებთ ჩვენს მსმენელებს რეგიონებიდან, რომელთაც საინტერესო შეკითხვები და მოსაზრებები გამოაგზავნეს.
მადლობას ვუხდით ბატონ სარდიონ ზედელაშვილს საინტერესო მოხსენებისათვის.
კავკასიური სახლის სახალხო უნივერსიტეტის ადმინისტრაცია