Бәріңізге ассалаумағаликум. Бір күнде ұрыс бастаған «ешкім білмейтін» бұл қандай күш? Елімізді ойрандап кеткен сол лаңкестермен күрес бұрын неге қатаң жүргізілмеген? Шетелден әскери көмек сұрайтындай Қазақстан әскері сондай дәрменсіз болғаны ма? Ойран салып ойына келгенін істеген, қалаларымыздың қиратқан содырларды енді не күтіп тұр? Жазықсыздар лаңкес атанып, ауыр жаза арқалап кетпей ме? Бұл туралы елге белгілі азаматтар қандай шындықты жайып салды? Мұны сізге білген дұрыс!
Қайырымдылық
Иә, әу баста басталған бейбіт шеру соңы ауыр қасіретке ұласты. Қала мен даламыздың ойран-топыры шыққанына бәріңіздің ішіңіз ауырып, жүректеріңіз қан жылап жүргені анық. Әсіресе бостан-босқа өліп кеткен азаматтарымызды айтсаңшы...Жандары жәннатта, рухтары шат болғай! Ал енді дәл осы күндері халықтың көкейіенде жүрген бір үлкен сауал бар. Ол бейбіт шеруге шығып тұтқындалған қарапайым жандар мен лаңкестердің ендігі тағдыры қалай шешіледі?Лаңкестерді қойшы, ешкімнің жаны ашып уайым шегіп жатқан жоқ. Оларға жазаның ең ауыр түрі берілуі тиіс. Ал нақақтан-нақақ ұсталып кеткен адамдаршы? Осыған алаңдаған белгілі ақын, Қазақстан жазушылар одағы төрағасының бірінші орынбасары Ақберен Елгезек әлеуметтік желідегі парақшасында жазбай жариялады. Ендеше соны тыңдаңыз.
Болары болып, бояуы сіңіп үлгірмеген кезеңде отырмыз. Бояу демекші, “бояушы, бояушы дегенге сақалын бояпты” деген мәтеліміз бар. “Шаш ал десе, бас алады” деген де біздің мәтел. Бекер айтылмаған. Ғасырлар бойы өмірлік тәжірибеден сұрыпталып шыққан сөздер.
Пәлен мың содыр, лаңкес, қоғамдық тәртіп бұзушы, тонаушы-қылмыскер ұсталды деп жатыр. Енді осы лаңкесін бөлек бөліп, бір қораға, қоғамдық тәртіпті бұзушылар мен мародерлерді бөліп, бөлек қораға қамап, жаза шығарарда ойланған абзал. “Біреу қыз алып қашыпты, біреу босқа қашыпты” деген де біздің сөз. Сол тұрғыдан қарау керек. Әлбетте, оқиғаға қатысушы заңды бұзып, қылмысы дәлелденсе, ол - айыпты. Бірақ, әр қылмыстың өзіне сай жазасы болады емес пе. Дүрбелең кезінде көрсеқызарлығы ұстап дүкенге кіріп, зат ұрлаған немесе “халықтық шеру екен, мен де үні бар азаматпын ғой!” деп көзқарасы үшін алаңға шыққандарды ешуақытта лаңкеске теңеп, оған ауыр жаза кесу - әділеттің ісі болмайды. Осыған құқық қорғаушы, күштік органдар баса назар аудару керек. Кезінде Атырау жақта бір сұлтан мал ұрлаған 10 жігітті ұстап ап, ашу үстінде Сібірге айдамақшы болыпты. Сол кезде дуанның қариялары сұлтанға барып: “Сен 10 адамды емес, 60 адамды итжекенге айдатқалы отырсың!” деген екен. Сонда сұлтан: “Қайдағы 60 адам, алдарында 10 жігіт тұрған жоқ па?!”- депті. Сол кезде қариялар айтыпты дейді: “Мына тұрған әр жігіттің белінде 6 баланың ұрығы бар. Егер сен бұлардың көзін құртсаң, қазақ 10 кісіге емес, 70 кісіге кемиді!”. Сұлтан ақылды болмаса, несі сұлтан, тез ұғына қойып, райынан қайтқан көрінеді. Әр 10 жігітке қылмысының салмағына сәйкес айыппұл салып, қоя берген дейді. Осының бәрін неменеге тәптіштеп жазып отырғанымды түсініп отырған боларсыздар. Талай жауынгерден, полиция және қауіпсіздік қызметінің офицерлерінен, бейбіт тұрғындардан, кіп-кішкентай балалардан айырылдық. Үлкен трагедия! Олардың орнын ешкім толтыра алмайды. Әсіресе ата-ана үшін. Солардың өліміне нақты қатысы барларды аяусыз, қатаң жазалау керек! Оған дау жоқ! Алайда біреудің ауыр қылмысын я болмаса бұрындары ашылмай жатқан қылмыстарды жас жігіттеріміздің мойынына іле салу болмасын! Әрқайсысының қылмысын нақты анықтап, істі әділ жүргізу жоғарғы биліктің де, қоғамның да бақылауында ұстау мүмкін емес. Сондықтан біздің тергеушілер, өзге де құқық қорғаушы мамандар! Ашу үстінде, әріптесімнің өшін алам деп, болмаса істі тезірек бітірем деп науқаншылыққа салынып, жас балаларға біреудің ауыр қылмысын нақақтан нақақ жаба салуға жол бермеңіздер. Адам көрмесе де, Алла көріп тұр. Соны ұмытпаңыздар. Кез келген әділетсіздікке - Құдай тарапынан жаза бар, кез келген әділеттілікке - Тәңір тарапынан сауап бар. Әрі беріден соң, Ардың соты жаман. Ол тозақ отынан да бетер күйдіреді.
Міне көптің көкейіндегісін Ақберен ағамыз осылай айтып тастады. Ал журналист Мақсат Толықбайда Алаңға шыққанның бәрі "террорист" емес. Деп батыл үн қатып. Жазба жариялады. Қаңтардың бесіне қараған түні Алматыға ұшып барып, "Алматы аренаның" маңына жиналған елдің арасында біз де жүрдік. Жаңаөзендіктерді қолдап, бейбіт шеруге шыққан халықтың қарасы көп болды. Жазықсыздар "лаңкес" атанып кетпесе екен деймін.Тергеу әділ жүргізілсін! Ал, қандықол қылмыскерлерді және жоспарлы түрде күштік құрылымдарды құрал ретінде пайдаланып, мемлекетке сатқындық жасағандарды аяусыз, қатаң жазалау керек!,- деді Мақсат Толықбай.
Саясаткер Әміржан Қосановта көңілге күдік ұялататын сұрақтарды төтесінен қойып, Абай.кз порталына мақала жариялапты. Ең құнарлы,маңызды жерлерін үзіп алып сіздерге жеткізейік.