Бәріңізге Ассалаумағалейкум!
Парламенттен үн шығыпты. Нұротаннан емес, Ақжол партиясынан шығып жатыр. Ақ жол партиясы, «әкімдіктер берген әлеуметтік тұрғын үйлерге, мұқият тексеру жүргізуді» талап етіп, ҚР-ның Премьер-Министрі А.Ұ.Маминге арыз жолдады.
Мемлекет басшысы Қазақстан халқына жолдауында, азаматтардың әлеуметтік әл-ауқаты, ең алдымен, тұрғын үй мәселесімен тығыз байланысты екенін атап өтті. Табысы тұрғын үй мәселелерін өз бетінше шешу үшін жеткіліксіз азаматтарға, тиімді әлеуметтік қолдау көрсетілетін болады. Кезекте тұрғандардың, тұрғын үй проблемаларын неғұрлым жедел шешу қажет.
Халықтың әлеуметтік осал топтарын, көп балалы отбасыларды, мемлекеттік қызметкерлерді және басқа да санаттағы азаматтарды тұрғын үймен қамтамасыз ету мақсатында, Қазақстан Республикасының Үкіметі бірнеше бағыт бойынша тұрғын үймен қамтамасыз ету жөніндегі мемлекеттік бағдарламаларды әзірлеп, бекітті.
Алайда, біз көріп отырғанымыздай, шенеуніктер өздерінің қызметтік өкілеттіктерін пайдалана отырып, "Нұрлы жер" мемлекеттік бағдарламасы бойынша тұрғын үй алуға "өз адамдарын" заңсыз кезекке қояды. Сондай-ақ жалға берілетін тұрғын үйге, мұқтаж емес адамдарға басымдық бере отырып, мемлекеттік тұрғын үйді бөледі. Осындай іс-әрекеттердің нәтижесінде үш мыңнан астам азамат, мұқтаж адамдар тізіміне енгізілді, осылайша мүгедектер, көпбалалы отбасылар және жұмыс істейтін жастар сияқты шынымен мұқтаж адамдардың құқықтарына нұқсан келтірді.
Құрметпен, "Ақ жол" фракциясының депутаттары. Ақжол паритясының депутаттарының көтеріп отырған мәселесін, халық біліп отыр. Шынайы үйге мұқтаж адамдарының кезегі қатып қалғандай, орынынан қаншама жыл өтседе жылжымайтыны сондықтан. Нұрлы жер бағдарламасының нұрланып тұрғаны шамалы екен. ол жақта бәрі ұрланып жатқанын, мына депутаттар айтып отыр. Қатаң тексеру керек? Әйтпесе, Еліміздегі «Ұлы дала квартиранттары» деген атты өшіру қиын. Тарихата масқара болып қаламыз.
«Ата-бабамыздың қорғап қалған жері шетелдіктерге жалға беріле ме?» деген сұрақ көпшіліктің көкейінен кетпей қойған болатын. Халықтан қорықты ма, жоқ әлде, биліктің халыққа жаны ашыды ма, жерді шетелдіктерге сатпайтын және жалғада бермейтін қылып, соңғы нүктесін қойғандай. Енді шетелдіктерге жерді сатуға, заң жүзінде біржола тыйым салынатын болды. Бұл туралы Ұлттық қоғамдық сенім кеңесінің 5-ші отырысында, Президентіміз Қасым-Жомарт Тоқаев айтты:
«Халқымыз үшін - жер мәселесі қашанда аса маңызды. Бұл - мемлекеттігіміздің берік негізі және қасиетті символы. Қазақтың жері шетелдіктерге сатылмайды деп, бірнеше рет айттым. Бұл мәселеге қатысты қауесеттерді тоқтату қажет. Сондықтан, мен мынадай нақты шешімдер қабылдадым. Біріншіден, шетелдіктерге және шетелдік заңды тұлғаларға, ауыл шаруашылығы жерлерін сатуға және жалға беруге заң жүзінде, біржола тыйым салуды тапсырамын.
Бұл шетелдіктердің үлесі бар заңды тұлғаларға да қатысты. Мен мұны, Президенттің заң шығару бастамасы арқылы, жедел түрде жүзеге асыру қажет деп шештім. Президент Әкімшілігі, дәл осы мәселеге байланысты тиісті заң жобасын әзірлеуі керек» - деді, Мемлекет басшысы.
Бұлда бір шешімін тапқан - келелі іс болды. Жерді шетелдіктерге «жалға беріп қоя ма» деп, алаңдап жүрген халық, бүгін тыныш ұйықтай берсе болады. Ендігі кезекте, игерілмей жатқан жеріміздің пайдасын халық көруі тиіс пе? Себебі: жер - қай қашанда және қай елдеде халықтікі. Ол - ата-бабасынан қалған мұра. Халық жерді сату мен жалға беруге қарсы болып, жанын салып қорғап қалды. Енді, осы жерді игіліктеріне жаратуы керек емес пе?
«Бос жатқан жер - жау шақырады» демекші, жерді халықтың пайдалануына бөліп беруі керек? Анау елімізден жұмыс таппай, шетелге кетіп жатқан жастарымыздың басында жері болса, жермен айналысып, осында ұрпағын көбейтіп тұрақтап қалады. Жастардың шетелге кетіп жатуындағы себептердің бірі - ұлтарақтай жерінің жоқтығы. Үй тұрғызуға арналған он сотық жері жоқ адам, ертең күн туа қалса, сол елді қорғай ма? Әрине қорғамайды. Әр адамның ел мен жерін қорғау жауапкершілігі артуы үшін, олардың бастарында, үй тұрғызуға және егістік не болмаса, басқа мақсатта пайдалануға арналған жері болуы керек?
Біздің Елде, істің бәрі сясиланып барып, соңында шешіледі. Саясиландырмасақ, қоғам қарсылығын танытпаса, ол істі істемейтін сияқтымыз. Жерді де саясиландырып жүріп, әйтеу соңғы нүктесін қойдық.
Сол айтпақшы, біздегі, тамырынан бастап саясиланып кеткен тақырыптың бірі - Мемлекеттік тіл саласы. Біреулер халыққа сүйкімді көріну үшін, Мемлекеттік тілді қолдаған болып, қара сөзді дәриядай ағызып, халықтың алдында ұпай жинауға шебер болса; Біреулердің құлап жатқан қазақ тіліне шын жаны ашып, жылап жүр.
Атақты Ататүрік: «көп тілді, көп дінді, көп ділді мемлекеттің ғұмыры ұзаққа бармайды» деген екен. кезінде, әлемге толерантты екенімізді көрсетеміз» деп, жер бетіндегі діннің бәрінің ошақтарына ойып тұрып жер бердік. Олар тек дінімен ғана келмей, өздерінің мәдениеті мен ділін бізге әкеп тықпалап жүр.
Бұдан былай, Қазақ тілінде қате жазылған жарнамалар заңмен қудаланады. Толығырақ Видеода...