Рет қаралды 470,849
Астанада вагонда үш баласымен өмір сүріп жатқан жалғызбасты ана кешеден бері елорданың шенеуніктерін қабылдаудан қолы тимей жатыр. "31 арна" тілшілері көрсеткен сюжетті "Информбюродан" көрген Білім және ғылым вице-министрі Есенғазы Иманғалиев жылап отырған отбасыға көмектесуге тапсырма беріпті. Лауазымды тұлғаның бір ауыз сөзінен кейін вагондағы отбасыға шенділер кезек-кезек барып, сәбилерге сыйлықтар табыс етуде. Тіпті, бүгін Алматы ауданы әкімінің орынбасары өзі барып, жағдайларымен танысты. Мектепке баратын формасы да жоқ болған балалар енді дүңгіршектен жатақханаға көшетін болды.