Ньукуолун күнүгэр Бэрдьигэстээххэ аҕам саастаахтары кус миининэн күндүлээтилэр.
Бу күҥҥэ сынньалаҥ пааркатыгар сайыҥҥа үктэммити уруйдуур тэрээһини, Мэхээлэ Дьөгүөрэп аатынан сынньалаҥ киинэ сыл ахсын үтүө үгэс быһыытынан ыытар.
Инники сылларга түөлбэлэр "Күн төгүрүк" алаадьы буһарыытыгар күрэстэһэр буоллахтарына, быйыл түөлбэ кэрэ аҥардара кус миинин буһарыыга сатабылларын холоннулар. Манна "Үрдэл", "Эбэ", "Киин", "Сэттэ", "Эйэ", "ДРСУ", "Чэбдик", "Сардаҥа" түөлбэлэртэн үстүү далбар хотун кытынна.
Маҥнайгы түһүмэх бириэмэҕэ уот оттон, уу оргутуу буолла, иккис түһүмэх бириэмэҕэ уонна хаачыстыба5а кус ыраастааһына, үһүс түһүмэх лапса оҥоруута манна дьүүллүүр сүбэ 10 мүнүүтэ иһигэр оҥоһуллубут лапса хаачыстыбатын көрдө.
хас биирдии түһүмэххэ кыттаачылар эрдэттэн бэлэмнэнэн кэлбиттэр, ол курдук бэйэлэрин түөлбэлэрин хамаандата бастыырын туһугар куһуттан саҕалаан, уутугар, бурдугар тиийэ тэристэн кэлэн астаатылар. Тумуккэ "Эйэ" түөлбэ хамаандата кыайыылаах таҕыста, 2- миэстэни "Эбэ" уонна "Сардаҥа" түөлбэлэр үллэһиннилэр, 3-миэстэни "Чэбдик" уонна "Сэттэ" хамаандалара аҥаардастылар.
Күөххэ үктэммити бэлиэтиир Саха омуга былыр-былыргаттан илдьэ кэлбит бырааһынньыгын тэрээһиниттэн, ордук саастаах дьон аһаҕас халлааҥҥа тахсан астынан-дуоһуйан тарҕаста.