"Біртұтас тәрбие бағдарламасы жүзеге асырылуы: үш құндылық: ұлттық мүдде, талап, ар-ұят құндылықтары” тақырыбында өткен педагогикалық кеңес.
1.Күн тәртібінде қаралған ««Біртұтас тәрбие» бағдарламасы аясында құндылықтарға негізделген тәрбие жобасының жүзеге асырылуы» тақырыбы бойынша директордың тәрбие ісі жөніндегі орынбасары Койтбаева З.А., бастауыш сынып мұғалімі Осипова Б.К., "Адал ұрпақ" үйірмесінің жетекшісі Ерманова А.Б., "Домбыра" үйірмесінің жетекшісі Абишева А.К.баяндамалар оқып, ұлттық құндылықтарды негізге ала отырып, білімді, адал ұрпақты тәрбиелеуді көздейтін аталмыш бағдарламаның парадигмасымен таныстырды.Сондай-ақ бағдарламаны жүзеге асыру тетіктері, білім алушыларды тәрбиелеу ісінің негізгі мазмұнына тоқталды.Тәрбие құндылықтарын пәндік мазмұн арқылы іске асырудың маңыздылығын айта келе,өз іс-тәжірибелерімен, оңтайлы әдіс-тәсілдермен бөлісті.
2.«Дарынды балалармен ғылыми - зерттеу жұмысы мен олимпиадаға дайындықты жүргізудегі жұмысты ұйымдастыру» тақырыбында директордың кәсіби-ісі жөніндегі орынбасары Исмагулова Г.У. баяндамасын оқыды. Жыл бойы жүргізілген жұмыстармен таныстыра келе, зерттеу жұмысы мен олимпиада жетістіктеріне тоқталды.
3. «3 тоқсандағы бойынша оқушылардың үлгерімі мен сабаққа қатысуының салыстырмалы мониторингісіне» директордың оқу-ісі жөніндегі орынбасары Алтай .Қ.Т. сараптамалық талдау жасады.
4. ««Мемлекеттік білім беру мекемелеріндегі білім алушылар мен тәрбиеленушілердің жекелеген санаттарына қала сыртындағы және мектеп жанындағы лагерьлерде демалуы үшін құжаттарды қабылдау және жолдама беру» мемлекеттік қызмет көрсету стандартын жүзеге асыру. Жазғы демалысты ұйымдастыру», «2023-2024 оқу жылы жасөспірімдердің жазғы сауықтыру кезеңін ұйымдастыруда педагогикалық жағдай жасау», «Мектеп оқушыларының ыстық тамақпен қамтылу барысы» мәселесі бойынша әлеуметтік -педагог Исмайлова Г.С. таныстырып өтті.
Педагогикалық кеңес барысында мектеп психологы А.Б.Нуржанова тренингтер өткізіп, ұжымға психологиялық ахуал туғызды. Оқылған баяндамаларға қорытынды жасалып, тиісті шешімдер қабылданды.