Рет қаралды 334,994
#BirBax #Azerbaycan #bagayarpagi
Yaz aylarında yol kənarlarında, meşə və parklarda qarşımıza çıxan bağayarpağı bitkisinin əslində bir sıra xəstəliklərin dərmanı olduğunu bilirdiz? Bu bitkinin müalicəvi xüsusiyyətləri insanlara qədimdən məlum olub. Məsələn, Qədim Yunanıstanda və Romada bitki tibbi məqsədlə geniş istifadə edilirdi. Şərq tibb tarixində də bağayarpağından müxtəlif dərmanlar hazırlanıb. Bu gün sizə bağayarpağının faydaları, istifadə qaydaları və zərərlərindən danışacağam. Diqqət ekrana.
Hazırda Yer kürəsində bitkinin 200-dən çox növü var. Hər bir növü də müxtəlif xəstəliklərin müalicəsində və profilaktikasında istifadə olunmaqdadır. Bu gün sizə bitkinin yarpaqlarından hazırlanan məhlul, maz və dəmləmələr barədə də məlumat verəcəyəm.
Damarların təmizlənməsi məqsədilə.
Pis xolesterinin və digər zərərli maddələrin damarların divarlarına yapışaraq tıxanıqlıq yaratdığını, bu səbəblə də, qan dövranının pisləşdiyini artıq bilirik. Damar yetməzliyi riski artdıqca, damarların elastikliyi azaldıqca, orqanizmdə müxtəlif xəstəliklər meydana çıxır. Ən birinci əlamət bitməyən baş ağrılarıdır. Ardınca eşitmə və görmə qabiliyyəti azalır, damarların axım gücü mənfiyə doğru irəliləyir, ateroskleroz, insult və infarkt riski artır. Bağayarpağı bütün bu sadaladığım prosesləri tərsinə çevirə bilir. Müalicəvi məhlulu hazırlamaq üçün 1 xörək qaşığı quru bağayarpağı götürün. Onu 1 stəkan qaynar suya əlavə edin. Ağzını bağlayın, 10 dəq dəmlənməyini gözləyin. 1 saat ərzində, kiçik udumlarla için. Prosedur sutkada 1 dəfə olmaqla, 1-2 həftə təkrarlanmalıdır.
Şəkərli dibabet zamanı.
Vəziyyəti yüngülləşdirmək üçün bağayarpağından şirə hazırlamaq məqsədəuyğundur. Yarpaqların şirəsini çıxarın. Sonra bu şirəyə duru bal əlavə edin. Alınan qarışımdan 1 xörək qaşığı götürün və gündə 3 dəfə, yeməkdən 15-20 dəq qabaq qəbul edin. Şəkərli diabetdən əziyyət çəkənlərin həyat keyfiyyətlərini yaxşılaşdırmaq üçün digər bir vasitə isə bağayarpağı məhluludur. 2 xörək qaşığı bağayarpağını 1 stəkan qaynar suya qatın. Vam odda qaynayanadək saxlayın. Sonra şüşə qaba qoyun, bu qabı qaynar suyun içində, təxminən, 30 dəq saxlayın. Cuna ilə süzün və ilıq halda yarım stəkan həcmində, gündə 3 dəfə, yeməkdən 15-20 dəq əvvəl için.
Sistit zamanı.
Xəstəliyin həm müalicəsində, həm də profilaktikasında bağayarpağı köməyə çatır. Bağayarpağı, yovşan, adaçayı (sürvə), kiçik qızılçətir, öfgəotu bitkilərini eyni miqdarda bir-birinə qatın. Qarışımdan 1 xörək qaşığı götürün və 1 stəkan qaynar suya əlavə edin. Effektivliyini artırmaq üçün qarışıma bir az bal da əlavə etmək olar. Qarışımı şüşə qaba qoyun, ağzını bağlayın. Vam odun üzərinə bir qazanda su qoyun və qaynayanadək gözləyin. Su buğlananda şüşə qabı onun içinə qoyun. Beləcə, qarışımı vam odda, təxminən, 30-40 dəq müddətində su vannası edin. Gündə 3 dəfə, yeməkdən yarım saat əvvəl, 1 xörək qaşığı bu məhluldan qəbul edin.
Öskürək zamanı.
Öskürəyin səbəbləri müxtəlif olur. Eləcə də, quru və bəlğəmli öskürəklə rastlaşa bilərsiniz. İstənilən halda, bağayarpağından hazırlanan vasitə orqanizmin köməyinə çatır. Bağayarpağı əsaslı məhlul və ya dəmləmədən istifadə etdikdən, cəmi, bir neçə saat vəziyyətin yaxşılaşdığını müşahidə edə bilərsiniz. Öskürəyin səbəbləri sırasında laringit, bronxit, allergiya və s. ola bilər. Sağalmaq üçün ən birinci, soyuqdəyməni və qızdırmanı aradan qaldırmaq lazımdır. Təzə bağayarpaqlarını xırdalayın, az miqdarda distillə edilmiş suya qatın. Vam odda qarışdıra-qarışdıra qaynayanadək gözləyin. Sonra üzərinə bir az bal əlavə edin. Gün ərzində hər saatbaşı 1 çay qaşığı bu qarışımdan qəbul edin.
Zərərləri və əks təsirləri.
Bəzi mədə-bağırsaq və qan xəstəliklərinin kəskinləşməsi zamanı bağayarpağından ehtiyatlı olmaq lazımdır. Tromblar, yaxud individual həssaslıq da bağayarpağından uzaq durmaq üçün səbəblərdir. Bəzi insanlar bağayarpağı əsaslı vasitələrdən istifadə edərkən ürəkbulanma, hətta qusma ilə üzləşirlər. Bunun əsas səbəbi bitkinin özünəməxsus dadıdır. Bağayarpağı istifadəsindən sonra ishalla üzləşdiyini deyənlər də var. Mütəxəssislər bunun səbəbini belə izah edir: “Bağayarpağı bağırsağı təmizləyir.” Hamilə qadınlara və süd verən analara da bağayarpağından uzaq durmaq məsləhətdir. Hamilə qalmağa kömək edən bitki, hamiləlik zamanı dölün inkişafına mənfi təsir edə bilər. Təmizləyici və antibiotik xüsusiyyətə malik olduğundan, körpədə müəyyən problemlər yaratma ehtimalı böyükdür.