Ang krisis sadyang darating sa ating buhay. Maaring tayo ay mataranta o kaya naman ay parang nangangapa sa dilim. Naghahanap ng kasagutan at kalakasan.
Ano ang naglalaro sa isip mo kapag nahaharap ka sa isang pagsubok? Paano mo kinakaya ang bigat ng epekto nito? Kaya nga ba nating magtagumpay sa pagsubok o tukso? Maaring tayo ay nalulunod sa mga nararanasan nating kabigatan sa buhay. Pero bago ka dumating sa punto na maisip mong panghinaan ng loob o kaya naman ay sumuko... Ito ang pangako na maganda nating panghawakan.
1Corinto 10:13 13Wala pang pagsubok na dumating sa inyo na hindi nararanasan ng lahat ng tao. Tapat ang Diyos, at hindi niya ipapahintulot na kayo'y subukin nang higit sa inyong makakaya. Sa halip, pagdating ng pagsubok, bibigyan niya kayo ng lakas upang mapagtagumpayan iyon.