БАЛ ТИЛ - Балдар ырлары: Аппак кар - Караоке
Сөзү: Шайлобек Дүйшеев
Обону: Сагынбек Момбеков
Эшикке чыксам акактап,
Мына, мына, апаппак.
Кар калың жаап салыптыр,
Карасаңар, кызыктай,
Кара күчүк, мышыктар,
Аппак болуп калыптыр.
Кайырма:
Тоголонуп топтой,
Тоңобуз биз коркпой.
Чоңдор тез-тез басышат,
Алар кайда шашышат?
«Жыгылабыз» дешет го,
Жылгаяктан качышат.
Бакчабызда бак аппак,
Балатылар дагы аппак.
Балдар «чана теп» дешти,
Баары болуп карышкыр,
Коён кылып салыптыр,
«Кичинесиң» деп мени.
Кардан кылсак мамалак,
Кара күчүк кабанаак,
Капысынан качырды.
Капталынан жыгылып,
Карга башы тыгылып,
Кайра бизден жашынды.
Кайырма:
Тоголонуп топтой,
Тоңобуз биз коркпой.
Чоңдор тез-тез басышат,
Алар кайда шашышат?
«Жыгылабыз» дешет го,
Жылгаяктан качышат.