БАЛ ТИЛ - Балдар ырлары: Бүлдүркөн - Караоке
Сөзү: Жолон Мамытов
Обону: Атайбек Бөдөшов
Жыты сонун буркурап ай бүлдүркөн бүлдүркөн
Жар башынан салаалап балдар көзүн күйгүзгөн
Колдорубуз көк боёк тергенибиз бүлдүркөн
Суу боюнда салаалап кыздар көзүн күйгүзгөн
Ай бүлдүркөн ай бүлдүркөн бүлдүркөн
Сайгылайт го тикенек сабагынан кармасам
Таарынат го мөмөсү таап терип албасам
Бүлдүркөндүн ширесин бөбөгүмө ичирем
Күчтүү болуп чоңоюп досторунун ичинен
Ай бүлдүркөн ай бүлдүркөн бүлдүркөн
Көнөчөккө толтуруп апама да алпарам
Сен бышканда бүлдүркөн бала болбой чарчаган
Колдорубуз көк боёк тергенибиз бүлдүркөн
Суу боюнда салаалап кыздар көзүн күйгүзгөн
Ай бүлдүркөн ай бүлдүркөн бүлдүркөн