Бәріңізге Ассалаумағалейкум!
Мәжіліс депутаты Ерлан Смайлов, Қазақстанда «Ана капиталын» енгізіп, дүниеге келген әр бала үшін 4,2 миллион теңге төлеуді ұсынды.
Ол: «жалғыз өзі, екі немесе үш баланы тәрбиелеп отырған жалғызбасты ана немесе жалғызбасты әкенің де қиындықтары бар екенін, бірақ әлеуметтік қолдауға мұқтаждар санатына жатпайды» деп атап өтті.
Мына депутатпен жарысқандай болып, депутат Айжан Сқақова үкімет басшысының орынбасары - Ералы Тоғжановқа сауал жолдады. Депутат Сқақова: «қазіргі таңда, балаға толығымен жағдай жасау ата-ана үшін қиын. Босанған аналарға төленетін, декреттік демалыс уақытын ұзарту керек. Балаларға арналған арнайы себет әзірлеуді ұсынамын. Бұл мәселе, үкімет тарапынан шешілгенін қалаймын» дейді.
«Атың шықпаса, жер өрте» дейді атам қазақ ежелден. Сонда атың әлемге жайылып, бүкіл елге тез танымал боласың, дегені ғой. Мына мақалға қарап отырсақ, ерте заманда да «хайп қуалағыштар мен черный пияр жасағыштар» көп болған екен.
Ал қазіргі кезде, атын шығарғысы кеп жүрген жұлдыздар ғана хайп қуалайма десек, жұлдыздармен таласып, жарысып әкімдер мен министрлер, одан қалды депутаттар хайп қуалап жүр.
Депутаттардың осы мәлімдемесінен кейін, қоғамда қаншама пікірлер мен сындар айтылды. «42 мың 500 теңгені бере алмай жатқанда, атасының басы 4 миллион 200 мың теңге. Бірінші бөліп жармай, әр балаға 42 мың теңгені беріп алсыншы. Төрт балалыларға ғана бермей, 3 балалыларға да берсін. Әй қайдам, бізде бәрі показуха. Ондай ақша түгілі, 100 мың теңгеден беріп алсада, біздің үкіметке үлкен бедел болмақ» дейді халық.
Арабтарда бір бала туылсада мол ақша беретінін айтып, «Қашпаған сиырдың уызынан дәметіп, отырғандар да бар екен. 2 млн теңгеден берсе де болады. Үйленбей жүрген бойдақтар үйленеді. Үй ала алмай жүргендер, үй алады. Бірақ, ол ақшаның үкіметке отчётын беру керек? Себебі күйеуі алқаш, құмар ойындарын ойнайтындар ақшаны араққа, картаға салып жібермеуін үкімет қамтамасыз ету керек? Ол ана капиталын бала мен ана ғана пайдалану керек? Аналар бала туғаннан кейін әлсірейді. Сол ақшаға емделуге де болады. Балалар мектепке баратын кезде, сол ақшаға киім-кешек алып беру керек? Сол үшін ана капиталын берсе, сол ақшаны «депозитке салып койып, керек кезінде алса болады» деп жатқан белсенділер бар.
Біздегі шешімін таппай келе жатқан саланың бірі мектеп пен аураухана болса, енді «раддом жетпей, үйде туып бәле болар» деп, әлеуметтік саланың әлсіздігіне уайымдап отырғандар бар.
Нұр-Сұлтан қаласында, Халықаралық әйелдер күніне орай көпбалалы аналарға 7 293 теңгеден, яғни 17 доллар берілді. Бұл туралы Елорда әкімдігінің, жұмыспен қамту және әлеуметтік қорғау басқармасы хабарлады.
⠀Kөрермендерге жеткізе кетейік, жыл сайын елордада 8 наурыз Халықаралық әйелдер мерекесіне орай көпбалалы отбасыларға, "Алтын алқа", "Күміс алқа" немесе бұған дейін "Батыр ана" атағын алған, сондай-ақ І және ІІ дәрежелі "Ана даңқы" орденімен марапатталған көпбалалы аналарға, оның ішінде тұрмысы төмен отбасыларға 2,5 АЕК, яғни 7293 теңге көлемінде біржолғы әлеуметтік көмек көрсетіліп келеді.
⠀Мұндай шешімді, Астана қаласының мәслихаты 2017 жылдың 12 желтоқсанында қабылдаған. Жаңағы марапатты алатындардың тізімін, "Азаматтарға арналған үкіметтің" Нұр-Сұлтан қаласы бойынша филиалы ұсынады. 2021 жылы, 23 мың 800 адам әлеуметтік төлем алды.
«Бұл не масқара» деп, бәріміз аң-таң болып отырғанда, біреулер Түркіменстанның әйелдерге беретін «Мерекелік сыйын» жариялап жіберді. Түркімендерде «тұз, тоқ, су және газ тегін» деп мақтап жүрсек, олардікі бізден өткен сорақы екен.
8 наурызға дейін, Түркіменстан қыз-келіншектері 60 манат алады. Бұл мемлекеттік бағам бойынша шамамен 17,1 доллар немесе қара нарық бағамы бойынша 1,9 доллар. Бұл туралы ТЖҚ мемлекеттік ақпарат агенттігі хабарлайды. Теңгеге шаққанда шамамен 800 теңге.
Ақшалай сыйлықтарды меншік нысанына қарамастан, мекемелер мен ұйымдарда жұмыс істейтін, зейнетақы, жәрдемақы және стипендия алатын әйелдер, сондай-ақ мектеп оқушылары мен балабақша тәрбиелеушілері алады.
Айта кетерлігі, үй шаруасындағы әйелдер мен жеке кәсіпкерлер екі доллар алмайды.
2020 жылы Түркіменстан әйелдеріне 60 манат берілген еді. Ол кезде бұл қаражат 3 долларды құраған.
Астанадағы аналардың қуанышын естіп: мәәә, 7293 теңгені алып, көп балалы аналар кайда жұмсарын білмей жатқан шығар? деп, не қуанарымызды, не жыларымызды білмей жатырмыз.
Ел аузындағы сөзге қарасақ, «почему только көп балалы аналарға ғана береді? Берсе бәріне бірдей бермей ме? Как будто 1,2,3 балалы аналарды айел еместей көреді» деп, өкпелесе ал Біреулер: «Халыққа бір күндік тамақ берген екен ғой. Жарайсындар!! Енді берген соң, 1000 тг бере салсай? Мыналарың көп қой бляя, 500 теңге берседе жетеді», десе; Осыны да көре алмағандар ма, болмаса керісінше айтып жатқандар ма: «соған канағат кылсын, аузын апандай кып ашпай? Біздікі 7200-теңге берсе, Түркіменстанмен салыстырғанда, шүкір ететіндей екен ғой, мына 800 теңгеге қарағанда??? деп тәубе мен шүкірін ұмытпай қанағат қылған қарапайым халықта бар екен. Толығырақ Видеода...