Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
#ARBŞəki #Balakən #küçədəayı
Balakənlilər bu gün səhəri xeyli həyəcanlı açıb. Erkən saatlarda küçəyə çıxan sakinlər ayı balalarının şəhərdə dolaşdığını görüb.
Səhər saatlarında Balakən küçələrində qaçan ayı balaları təşviş yaradıb. 2-3 yaşında olduğu ehtimal edilən qonur ayı balaları insanları qorxuya salmaqla yanaşı, otelə də girmək istəyib. Ardınca isə sakinlərdən birinə hücum edib. Xoşbəxtlikdən həmin sakin xəsarət almayıb. Ayının arxasınca avtomobilin gəlməsi və siqnal verməsi onu xəsarət almaqdan qoruyub. Bir müddətdən sonra ayı balalarının meşəyə getdiyi müşahidə olunub. Ekologiya və Təbii Sərvətlər Nazirliyindən verilən məlumata görə, ayı balalarının yaxınlığındakı meşəlik ərazidən yollarını azaraq kəndə daxil olduqları ehtimal olunur. Sakinlər son illər meşəlik və dağlıq ərazilərə yaxın olan yaşayış məntəqələrinə vəhşi heyvanların, xüsusilə də ayıların tez-tez göründüyünü bildirirlər. Mütəxəssislərsə vətəndaşlardan onlara qarşı təmkinli olmalarını, vəhşi heyvanın olduğu əraziyə yaxınlaşmamalarını, ayıları hürkütməmələrini xahiş edir.