Рет қаралды 95,556
Бұл суреттегі келіншектің аты-жөні Жүнісбекова Әйгерім Қайратқызы. 34 жаста. Әйелді үйінде бес баласы, әкесі, бауырлары, жақындары күтіп отыр. Осыдан бір апта бұрын күткендердің қатарында анасы да бар еді. Алайда, денсаулығы сыр беріп, қайтыс болған. Әйгерімнің бес баласына осы күнге дейін қамқоршы болған балалардың нағашы апасының жетісі де өтті. Бірақ жоғалып кеткен келіншектен хабар жоқ. Егер Әйгерім үйіне оралмаса, бес бауыр балалар үйіне өтуі мүмкін деп, келіншектің жақындары редакциямызға хабарласты. Аяғына оралған жиендеріне бас-көз болған нағашы атасы балаларға неге қамқоршы бола алмайды? Өйткені, балалардың анасы ресми жоғалғандардың санатында жоқ. Жүнісбековтер отбасы екі мәрте полицияға шағымданған. Іздеуге берген. Бірақ Әйгерімге іздеу жарияланбаған. Полицияның бұл сауалға жауабы дайын. Келіншекті іздеуге барып, оның өзімен бірге кеткен бір баласы мен үйде қалған бес баласынан өзге тағы бір сәбидің әкесінің Әйгерімді іздеп жүргенін білдік. Рас болса, жетінші балаға да іздеу салуымыз керек. Алматы-Шу-Үржар-Алматы аумағындағы журналистік іздеу операциясы - бүгінгі «Сөздің шыны керектің» тақырыбы.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#сөздің_шыны_керек #Ирина_Советжанқызы