6 шілде Алматыда полиция жүзден астам адамды ұстады.
Шілденің 6-сы күні елде астана күні аталып өтіп жатқанда елдің бірқатар ірі қалаларында полиция "рұқсат етілмеген митингіге" шыққан жүздеген азаматты ұстады.
Шілденің 6-сы күні кешкі сағат 19:00 шамасында Алматыдағы орталық стадион маңы полиция мен арнайы жасақ өкілдеріне толы болды. Олар Балуан Шолақ спорт сарайы алдында жүрген адамдардан не үшін келгенін сұрап, кейіннен ұстай бастады.
Оқиға орнында болған Азаттық тілшілері әуелі кемінде отыз адамның ұсталғанын хабарлады. Кейінірек олардың саны 70-ке жуықтады.
сімін Сәлима Қағазбаева деп таныстырған азамат "Шаршағандықтан келдік. 27 жыл бойғы өтірік. Биліктің тұтас кеткенін қалаймыз. Бәрі кетсін. Еркіндік болғанын қалаймыз. Өміріміз осылай өтіп барады. Балаларымның өмірі бұдан да нашар болғанын қаламаймын" деп айта бастап еді, оны сөйлеп тұрған жерінен полиция қызметкерлері ұстап әкетті.
Ұсталғандардың бірі "Шал кет!", "Қазақстан, алға!" деп айғайлады. Қарсыласқанына қарамастан полиция оның қолын қайырып, автозэкке отырғызып әкетті.
Originally published at - www.azattyq.org/a/kazakhstan-...