«Баламның сүйегін өзіме беріңдер». Ақтөбе облысының тұрғыны Бүркіт Жұбаназаров, 7 қаңтар күні мүрдесі табылып, мәйітханаға жеткізілген ұлының сүйегін таппай жүр. Полиция, «балаңыз - террорист, денесі берілмейді» деп шығарып салды дейді. «7 қаңтарда қайтыс болған адамды 8 қаңтарда террорист деп таныған құқық қорғау органы ешқандай сот үкімін, видео, фото дәлел көрсеткен жоқ, - деп наразы. Ал терроризмге қарсы іс-қимыл туралы заңның 21 бабы, 1 -тармағында, лаңкес деп танылған адамның мәйіті туыстарына жерлеуге берілмейді және олардың жерленген орны хабарланбайды, - делінген.
БҮРКІТ ЖҰБАНАЗАРОВ, Русланбек Жұбаназаровтың әкесі:
- Менің баламның сүйегін өзіме берсін. Мен басқа ештеңе сұрап жатқан жоқпын. Қазақта қай мұсылман сүйегін далаға тастаған.
Ұлының сүйегін таппай жүрген Бүркіт Жұбаназаров, ұлым 6 қаңтар күні Ақтөбе облысы Шалқар ауданы Мөңке би ауылынынан Ақтөбеге кеткенін айтады. Алаң жаққа барып келейін деп кеткені де рас, бірақ мүрдесі сол күннің түнінде табылды.7 қаңтар күні денесін түске дейін аласыңдар деп, артынша 11 қаңтарға дейін мәйітхананың есігінің алдын күзетіп жүрдік, - дейді. Айтуларынша, 8 қаңтар күні басқа адамдар алып кеткен. Марқұмның туыстарының қолына мынадай қағаз ұстатқан. Онда, мүрдені Ақтөбе қаласы тұрғын үй коммуналдық шаруашылық бөлімінің басшысы алады деп тергеушінің қолы қойылған. Полиция басшысы, балаңыз-террорист деді, бір-ақ күнде олар баламды лаңкес жасай салды, енді баламның басына қайда барып, құран оқимын дейді Бүркіт Жұбаназаров.
БҮРКІТ ЖҰБАНАЗАРОВ, Русланбек Жұбаназаровтың әкесі:
- Тауып берсін. Оқ тесіп кеткен, сенің балаңның қалтасынан наркотик шықты, қасында екі пышақ жатыр деп бізді қайтарып отыр. Жұмысқа кеткен бала. Белгісіз жағдайда ажал құшып отыр.
Заңгер Камиша Есмұхамбетқызы, заң бойынша лаңкес деп танылған адамның сүйегі жерлеуге берілмейтіні рас, бірақ мұндай ауыр айып тағу үшін тергеуге аз уақыт берілген секілді дейді.
КАМИША ЕСМҰХАМБЕТҚЫЗЫ, Заңгер:
- Заңнамада бар, ата-анасына айтпай, көміп тастау. Дегенмен, опознание деген болады. Баласын тану. Кез келген адам безхозный адам емес, ағайын, туыс көз жүгіртіп барып өлгеніне. Көбіне маған соңғы кездері хабарласып жатқанның тең жарымы балаларын көрмеген, қай жерге көмгені белгісіз.+Балаңыз террорист деп айтқан ғой. Ал ол немен дәлелденді? Ол кіммен танылды? Сот шешімі бар ма? Жоқ па?
Русланбек Жұбаназаровтың өліміне қатысты Ақтөбе мәйітханасының жұмысына жауапты Әділет басқармасынан жауап ала алмадық. Бұл іс бойынша ІІМ сұрақ жолданды. Алматы мәйітханасынан ұрланған 41 адамның мәйітіне қатысты да Әділет министрлігі де ақпарат бермеді. Лаңкес ретінде танылғандардың денесі жақындарына берілмесе, қала іргесіндегі Батыс зиратының белгісіздер мазарында жерленуі мүмкін деген ақпараттың ақ-қарасын анықтау үшін сонда бардық. Соңғы күндері белгісіздер зиратында қанша адамның денесі қойылды деген сауалымызға мардымды жауап ала алмадық.
АСХАТ, Жер қазушы:
- Бүгін келдік. Пересменка. Ана смен тапсырып кетті. Сол уақытта сол смен болды. Сіздерде алдын ала қабір қазылып тұра ма? Иә, христиандарда. Өйткені, қыстыгүні экскаватор қаза алмайды.
Бұл кісі айтып тұрған Христиандар зиратында 16 қабір, ал белгісіздер зиратында шамамен 60 қабір алдын ала қазылып қойылыпты. Кейін жерленген болуы мүмкін, 5-6 адамның басына тақтайша қойылған. Ол тақтайшадағы цифр - жерленген адамға қатысты мәйітханада сақталған мәліметті білдіреді.
Ирина Советжанқызы, Ринат Абулхаиров
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#террорлық_акт #Ақтөбе #мәйітхана #қақтығыс