Balaxanı Sənaye Parkının digər analoji obyektlərdən fərqi burdakı istehsalçıların istifadə etdiyi xammal olacaq. Çünki, bu parkda fəaliyyət göstərəcək istehsalçılar yalnız tullantıların emalından məhsul alacaqlar. Artıq 5 belə şirkət parkın rezidenti kimi qeydiyyatdan keçib. Onlar 2017-ci ildən istehsala başlayacaqlar.
Təmiz Şəhər Açıq Səhmdar Cəmiyyətinin sədri Etibar Abbasov bildirib ki, parkda artıq 5 rezident qeydə alınıb. Onların fəaliyyətinin özünəməxsusluğu isə xammal kimi tullantıdan istifadə etmələridir. Gələcəkdə hətta bu cür istehsalla məşğul olan sahibkarlara müəyyən güzəştlər də edilə bilər: “Burada plastik materialların, kağız, taxta-ağac məmulatlarının emalı və s. daxildir. Digər rezidentlərin cəlb edilməsi barədə danışıqlar aparılır. İkinci mərhələdə bu üzrə işlər davam etdiriləcək”.
Balaxanı Sənaye Parkında gələcəkdə fəaliyyət göstərmək istəyən şirkətlərdən də əsas tələb məhz bu olacaq - tullantıdan istifadə etməklə istehsal etmək. Parkın fəaliyyəti ilə tanış olan Milli Məclisin iqtisadi siyasət, sənaye və sahibkarlıq komitəsinin deputatlarına Təmiz Şəhər ASC-nin rəhbərliyi tərəfindən maraqlı bir təklif də oldu. Yaşıl iqtisadiyyata dəstək olan iş adamlarına güzəştlər nəzərdə tutmaq. Qanunvericilər isə bu təklifi müsbət qarşıladı.
Ziyad Səmədzadə, Milli Məclisin komitə sədri: “Biz bu məsələni bu gün parkın rəhbərliyi ilə, İqtisadiyyat Nazirliyinin rəhbərləri ilə müzakirə etdik. Təbii ki, biz iqtisadi mexanizmləri elə hazırlamalıyıq ki, onlarda tullantısız texnologilar, istehsal olsun. Tullantıların artmasına görə iqtisadi mexanizmlər olsun. Tullantılardan səmərələi istfadə edən təşkilatlara, istehsalçılara, sahibkarlara güzəştlər edilsin olsun. Biz bu barədə düşünürük və qanunverilikdə müəyyən dəyişiklikkər edəcxəyik”.
Balaxanı Sənaye Parkı 7 hektar ərazidə yerləşir və rezidentlər tərəfindən sənaye parkına 23,4 milyon manatdan çox investisiyanın yatırılması, həmçinin 300-dən çox yeni iş yerinin yaradılması nəzərdə tutulur.