Aaminin ko Kabarangay, na lumaki akong iniisip na ang paborito ng aking mga magulang ay ang aking nakakabatang kapatid. Kapag ako kasi ang nagkakamali, siguradong pagsasabihan ako at sasawayin. Pero kapag ang kapatid ko ang nagkakamali - at mas madalas pa siyang magloko kaysa sa akin - ay sasawayin siya, pero saglit lang, at kung minsan nga parang pinababayaan na lang.