Рет қаралды 1,088
ԲԱՐԻ ԱՐԱԳԻԼ
Խոսք: Աշոտ Գրաշի (Աշոտ Բաղդասարի Գրիգորյան)
Երաժշտություն: Ալեքսեյ Հեքիմյան
Ես ոչ անտուն եմ, ոչ էլ տարագիր,
Ունեմ հանգրվան, ունեմ օթևան,
Ազատ հայրենիք, երջանիկ երկիր,
Երջանիկ, երջանիկ երկիր:
Բարով, արագիլ, բախտի արագիլ,
Արագիլ գարնան, արագիլ ամռան,
Իմ տան մոտ ապրիր, բարի արագիլ,
Բույն հյուսիր ծառին, բարդու կատարին:
Իմ մանուկների աստղերն են ցոլում
Լույսով անթառամ, շողերով վառման,
Վշտերս դառան ծաղիկներ փայլուն,
Ժպիտներ, ժպիտներ շողուն:
Արագիլ, ինձ հետ ուրախ գովերգիր
Յայլա ու վրան, հանդեր հոտևան,
Արտեր, այգիներ, մանուշակ երկինք,
Մանուշակ, մանուշակ երկինք:
Բարով, արագիլ, բախտի արագիլ,
Արագիլ գարնան, արագիլ ամռան,
Իմ տան մոտ ապրիր, բարի արագիլ,
Բույն հյուսիր ծառին, բարդու կատարին: