Осыдан он жыл бұрын Қазақ медицинасының мүмкіндігі артып, алғаш рет жүрек алмастыру отасы жасалды. Содан бері 2 мың адамға тегін трансплантация сәтті жүргізілген. Бүгінде 3 жарым мыңға жуық науқастың жүрек, бүйрек, бауыр, өкпе сияқты органдары ауыстыруды қажет етеді екен. Донор болуға қарсылығы жоқ 1 мың адам өтініш қалдырыпты. Мамандар, өзге елдерде мұндай ота 130 мың АҚШ доллары көлемінде тұратынын айтады.
«Асып кетсе жарты жылдан кейін кенеттен жүрегіңіз тоқтап қалуы мүмкін»,- деген дәрігерлердің қойған диагнозы үрейімді ұшырса да, өмір сүруге деген үмітім үзілмеді дейді Жәнібек Оспанов. Жүрек ауыстырудан басқа амалдың жоқ екенін ашып айтқан мамандар, шұғыл трансплантация жасауды ұсынады. Дәл сол кезде 46 жастағы Елена Воротникова есімді науқастың миына қан құйылып, ауруханаға түскен екен. Бірақ, жүрегі соғып тұрады. Медицинаның тілімен айтсақ, ол «өлі адам» еді. Науқастың жақындарынан рұқсат алып, бір-екі күннен кейін Жәнібекке 6 сағаттық ота жасалады. Бұл еліміздегі тұңғыш рет жасалған жүрек алмастыру операциясы еді.
ЖӘНІБЕК ОСПАНОВ:
- Енді қорқынышты болды алғаш рет деген соң. Бірақ дәрігерлердің уверенность, настроениесі жақсы болған соң сенуге болады деп мен келісім бердім. Денсаулығым жақсарды, енді жүрек сау болған соң күш жиналады, адам тіріледі былай айтқанда, сосын психологиялық өзгеріс болады адамда. Енді бір план қоясың. Өмірің ұзарады, бала-шаға деген сияқты, соған көп көңіл бөлесің.
Жәнібектің отаға дейінгі және кейінгі шынайы өмірін жазушы Сәуле Досжан «Өгей жүрек» деген кітапқа сыйдырады. Туындыға әлем жұртшылығының да қызығушылығы артып, 8 тілге аударылған екен. Жазушы, Жәнібектің өмірі жүрегін алмастырғаннан кейін түбегейлі өзгерді дейді. Көлік жүргізуші болып жүрген оның білімге құшарлығы артып, жоғары оқу орнына түседі. Тіпті, донор болған адамның сүйіп жеген ас-ауқатына да әуес болыпты.
СӘУЛЕ ДОСЖАН, жазушы, Қазақстан Республикасының еңбек сіңірген қайраткері:
- Мен 10 жыл бұрын көрген Жәнібекпен қазіргі Жәнібекті салыстыра алмайсыз. Тіпті басқа. Білім-ғылымның бәрінен хабары бар. Интеллектісі өскен. Киім киісі, жүріс-тұрысы, бәрі өскен Жәнібектің. Сондықтан мен ойлаймын, осының бәріне қорытынды жасап келіп ойлайсың, әттең-ай, әттең қаншама жас бар, кәрі бар. Сондай адамдар бар жүрегін алмастыруға жарық дүниені ұзартуға күтіп жатып өмірден өтіп кетеді.
Иә, мамандар, науқастың өмірін сақтап қалуға донор болса, медицинаның мүмкіндігі жеткілікті дейді. Осы уақытқа дейін 2 мың адамға жүрек, бүйрек, өкпе, бауыр секілді органдар алмастырылып салынған.
СӘУЛЕ ШАЙСҰЛТАНОВА, ҚР ұлттық ғылыми кардиохирургия орталығының трансплантация бойынша үйлестірушісі:
Донорларды айтсақ, «ми өлімі» диагнозы қойылған адамдар. Мысалы, реанимация жағдайында инсульт алған пациенттер және бас-миының жарақаттарынан кейінгі пациенттер-әлеуетті донор болып саналады.
Бүгінде оқыс жағдай бола қалса, донор болуға қарсылығым жоқ деп 1 мың азамат алдын-ала өтініш қалдырыпты. Рұқсатты жергілікті емханаға барып не болмаса "егов" электорнды үкіметі арқылы беруге болады екен. Бүгінде донорға зәру 3 жарым мыңға жуық науқас аурумен арпалысып келеді.
Әйгерім Ердәулет, Нүркен Тоқмурзин
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#медицина #жаңа_мүмкіндіктер