Рет қаралды 245,090
Бәріңізге ассалаумағаликум. Батыр атамыз Бауыржан Момышұлының жаназасы жайлы айтылмаған ақиқат. Дақты қолбасшысы қайтыс болғанда денесі неге бірден қара жер қойнына тапсырылмаған?
Атамыз 4 күн жатты жерленбей...
Жаназа шығарылған күні Алматының ауарайы қандай тосын мінез көрсетті?
СНХ: Төрт күн жатқызып қорлағанына кейігені ме, ренжігені ме. Сонда елдер қатты таңқалды.
Батырға қандай қиянат жасалды?
Тәуелсіз Қазақстанның бір жапырақ қағазын ата алған жоқ.
Бауыржан Момышұлына «Халық қаһарманы» атағы сірә берілді ме, жоқ?
Маған шындық керек, неге кітапқа өтірік жазылды.
Батырдың келіні, жазушы Зейнеп Ахметова айтқан өтірік қайсы? Апамыз қандай шындықты жайып салды? Мұны сізге білген дұрыс!
Қазақтың біртуар ұлы, кеңес одағының батыры Бауыржан Момышұлының жаназасы жайлы ел естімеген бір шындық бар. Батырдың келіні, жазушы Зейнеп Ахметова «Жетісу» телеарнасындағы «Зейнеп апаның әңгімесі» хабарында сол шындықты айтты. Мұсылман баласы қайтыс болған шақта ең қысқа мерзімде жуылып, кебінделіп, жаназа намазы оқылып көмілуі керек. Бауыржан атамызды бұл дәстүрмен ақтық сапарға шығарып салу қиынға соғыпты. «Зейнеп апаның әңгімесіне» құлақ түріңіз!
Қазақстанның Россияға өз еркімен қосылғанына 250 жылдығы өтіп жатқанда қайтыс болды ата. Әлгі қосылсаңдар өздерің мен кеттім дегендей. Сонымен атамыз 4 күн жатты жерленбей. Өйткені ана той боп жатыр. Ертесі СССР-дің әдебиеті мен мәдениеті күндері өтіп жатты. Бүкіл орыстар көшіп келді. Орыстың атақтысының бәрі келді Алматыға. Сондай кезде атаны шығарып сала алмадық. Құдай басқа салмасын әлі күнге дейін ойласам жүрегім сыздап кетеді. Мұны ешқайда жазған жоқпын. Ата жамбасы жерге тимей төрт күн жатты. Ойлап қара, қандай ауыр. Бізді араластырмайды. Бізге рұқсат етпейді. Ол Совет үкіметі кезі. Қазір болса «Өй, кет ары» дейміз ғой. Ол кезде өйте алмайсың. Сөйтіп төртінші күн ата жерленді.
Бірінші Кеңсайға ата жалғыз қойылды.
Бұл 1982 жылдың жазы еді. Бауыржан атамызды жерлеген күні Алматының ауарайы да құбылып, тосын мінез танытыпты.
Әскери адам болғаннан кейін солдаттар аспанға үш қайтара оқ атып, салют жасады. Атаны қабырға түсіріп жатқан кезде қайдан шыққаннан аспанға бұлт үйіріліп, найзағай ойнап жаңбыр жауды да кетті. Қалай деуге болады. Табиғаттың адам түсінбейтін бір құпия құбылысы ма, Алла тағаланың жіберіп отырған құдіреті ме. Атаны төрт күн жатқызып қорлағанына кейігені ме, ренжігені ме. Сонда елдер қатты таңқалды. Өйткені соның алдын ғана аспан ап-ашық еді. Біреулер айтты аспанға көп оқ атылды, содан бұлт жиылды деп. Меніңше олай емес. Бұл жерде басқа құдірет бар.
Бауыржан Момышұын Рақымжан Қошқарбаев «батырлардың батыры» санап ерекше құрметтеген. Ал Куба мен Израиль мемлекеттері аты аңызға айналған қазақ батырынң ерен ерлігіне бас иіп өз әскерлеріне үлгі тұтқан. Алайда ұлы тұлға қиянатты да аз көрмеді. Әскери білімі мол азамат Қорғаныс комиссариатына басшылықтан ойы болған. Алайда елдегі науқаншылдық оған жол бермеді. Тіпті ректор Өмірбек Жолдасбеков Қазақ ұлттық университетінің әскери кафедрасына жұмысқа алмақ болады. Алайда оған да қарсылық болған деседі.
Бауыржан Момышұлына қатысты басы ашылмаған тағы бір әңгіме бар. Көбі бұл кісіні «Халық қаһарманы» деп біледі. Оқулықтар мен энциклопедияларда Момышұлына «Халық қаһарманы» атағы 1995 жылы берілді деп жазылған. Шын мәнінде бұл марапат оған ресми түрде берілмеген. Батырдың келіні бұл туралы да ашық, ашып айтып берді.
Атаның «Халық қаһарманы» атағы.Алды ма? Мен айтамын, алған жоқ. Назарбаевтың кітабында бірінші боп тұр дейді. Маған сене ме, Назарбаевқа сене ме? Кітапқа сенеді ғой көбінесе. Шындап келгенде ата «Халық қаһарманы» атағын алған жоқ. Заң бойынша ол алса отбасына тапсырылады.
Яғни, батырдың артында қалған бала-шағасына бұл марапат тапсырылмаған. Ал әлгі Назарбаевтың кітабы деп отырғаны «Тәуелсіздік дәуірі». Расымымен соның 40 бетінде Момышұлына «Халық қаһарманы» атағы берілді деп тайға таңба басқандай анық жазылып тұр.