Bendang Imchen Title "Tanü Ao Kin" Uploaded with the consent
Sangro tatsüka: -
Oh temeim Aortem. Asen yimli merena aliba yimti jara laoa lir to…. Nabo temelong mayanger no…. Otsüla opola nongeribo meraküta, iba yimti jara oji nong awapanga ayo masü no…. Temoatsü aser konang nüngsang aki sünga, iba yimti tarak maketi ayo masü no….. Saka tanübo asen mekümdangbayong bendanger-i asen yimli tajong ajak rakzükoko ni… Oh ken mapang, iba yimti ya nokinketer, walonir aser shisashir jenti sotetdak ali masü no…. Tanübo yimtong sünga tsüngdangpi akongera na…
Oh he, oh he, oh he, oh he
Hi he, oh he, hi he, oh he, ohhh
Ohhhhhhh
Nokinketer walonir sotetba Ao kin
Nüngjang petino mesük mera taket
Bendang semer-i nükshiseta jempia aro
Saka asen-i Tsüngrem sendok nong
Angati taoji kenyong-i meküpdok
Tanü asen Ao kin jenjang kong ali
Ohhhhhhh
Temeimtsüka Ao kin samadaki
Oh temeim aser yimjong lisü ondokoko ni
Takar tolor pei jenokdak ki mali
Kipong aika telongi lodaki
Melong tip matemer ayip majanger
Jirnor tarotsü nükla samatar
Yimti süngküm nong tsüngdangpi akonger
Onok menen taitem nai dokangma
Ohhhhhhh
Atakatemba insü salajaa
Oh temeim aser yimjong ozü madak liang
Tanü asen Ao kin jenjang kong ali
Ohhhhhh
Temeimtsüka Ao kin samadaki
Oh temeim aser yimjong lisü ondokoko ni
Oh he, oh he, oh he, oh he
Hi he, oh he, hi he, oh he, ohhh
Wapong Bendang Imchen ya Mongchen yim nongi lir. Pai sangro telok nong tenor ken atener. Pa solo album asem tashi adoker lir. Iba noksaket (video) ken “Tanü Ao Kin” ya album tasenba 2015 küm sayaba nongi lir. Noksaket nong tetsür jano ka adokbaji, par jala Kongro Lanuienla Imchen lir. Amanger iba noksaket ajanga ajak temoatsü angotsü.