Қызылордада мемлекет және қоғам қайраткері Бердібек Сапарбаев атындағы аудитория ашылды. Сондай-ақ, «Берен тұлға - Бердібек» тақырыбында ғылыми-танымдық конференция өтті.
Г
Бердібек Сапарбаев саналы ғұмырын еліміздің қоғамдық-саяси өміріне арнаған қайраткер. 5 өңірді басқарып, облыстардың экономикалық дамуына жаңа серпін алып келген. Жезқазған, Торғай, Семей облыстары тарап, көрші аймақтарға бірігіп жатқанда Қызылорданың облыс дәрежесінде сақталуына сіңірген еңбегі көп. Ол үнемі күрмеуі қиын күрделі жерлерде қызмет істеді. Соған қарамастан мәселені байыппен шешіп, қиыннан қиырға жол таба білген нағыз іскер, талапшыл, таразының басын тең ұстаған басшы бола білді. Конференцияға жиналғандар Бердібек Мәшбекұлының қызметіндегі естеліктері мен атқарған жұмыстарын саралап, саясаткердің көпшілік білмейтін тұстарын ашып айтып берді. Ал, «Болашақ» университетіндегі атриум залына оның есімін беру идеясын Бақберген Досманбетов былай түсіндірді.
БАҚБЕРГЕН ДОСМАНБЕТОВ - МЕМЛЕКЕТ ЖӘНЕ ҚОҒАМ ҚАЙРАТКЕРІ
/// Мен енді Бердібек Мәшбекұлының еңбегін білемін, сыйлаймын. Үйрендім, бірге жұмыс істедік. Адамның аты өшпес үшін қоғаммен байланыста болу керек. Өзім ойладым. Неге бізде аудитория ашылмайды? Оның идеяларына қатысты курстар ашуға болады. Сондықтан бүгін осы атриум залды үлкен зал қылып ашып жатырмыз.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv