Abaltzisketako jaien hasera da eta bertso-bazkaria antolatu dute Larraizko jatetxe batean. Hirurogeita hamar bat lagunek eman dute izena. Eguraldi bikaina dago kanpoan, Iker Zubeldiak lehen bertsoan gogoraraziko digun bezala. Berarekin batera Andoni Egaña eta Asteasuko Haritz Mujika gaztea jardun dira bazkalosteko saioan.
Lehen bideo honetan, umoretik ekin diote bertsolariek hasiera-hasieratik. Hiru izanik, elkarren arteko kontuak izan dituzte aipagai, hara nola, gaztetasuna eta ile eskasia, langile izatea edo kontutik bizitzea...