#бесіккесалурәсімі #бесіктой #бесіккебөлеу
Выписка
• Перзентханадан келінім...
Бесік той отбасындағы тұңғыш нәресте дүниеге келгеннен кейін, қырқынан шығарылғаннан кейін жасалатын той-думан. 🎶 🎤 🎶
Бесікке салу - нәрестені алғаш бесікке бөлеу рәсімі. Бесік киелі, құтты мүлік. Сәбидің алтын ұясы. Бесікке бөленген баланың ұйқысы тыныш, бойы жылы, тәні таза болады.
Бесікті аластау. 🔥
Баланың ұйқысы тыныш болу үшін және жын-шайтанды қуу мақсатымен адыраспанды отқа жағып түтетіп, баланы бесікке бөлерден бұрын бесікті айналдыра аластайды.
❗️Ұзақ уақыт қолданбаған бесікті міндетті түрде аластау керек. 🔥
Алас, алас, алас!
Мың бір түрлі пәлеңнен қалас!
Көзі жаманның көзінен алас!
Тілі жаманның тілінен алас!
Уы жаманның уынан алас!
Алас,алас, алас!
Қыла гөр Алла мың пәлеңнен қалас! - деп адыраспан түтінімен бесікті аластап шығу.
Бесіктің жабдықтары - түбек, шүмек, төсегі, жастық, жөргек, қолбау, тізебау, тізе жастық, екі тартпасы.
Бесікке бөлеу рәсімін ауылдың қадірменді анасы іске асырған. Бесікке салушы әжелер бесіктің барлық жабдықтарын орын-орнына қойғаннан кейін шашуға әкелген тәттімен "тыштыма" ырымын жасап, тойға келген қонақтарға үлестіреді. 🍭🍭🍭
"Тыштыма" ырымы 🍬🍬🍬
Баланы бесікке бөлерден бұрын "тыштыма" ырымы жасалады. Бесіктің түбек тесігі арқылы балаларға тәттілер
үлестіреді. Бұл дәстүр "балаға бесік құт дарытсын" деген ниетпен туған рәсім.
Осыдан кейін баланы бесікке бөлеп, бесік жыры айтылады.
Әлди, әлди ақ бөпем,
Ақ бесікке жат бөпем.
Жылама, бөпем, жылама,
Жілік шағып берейін.
Байқұтанның құйрығын,
Жіпке тағып берейін. Әже, апалар батасын беріп, баланың ер жетуіне, үбірлі-шүбірлі болуына тілектестік білдіреді.
Бала бөленген бесіктің үстіне жеті не тоғыз нәрсе жабылады (тоғыз елдің қамын жесін деп, тоғызы түгел болсын деп, ұйқысы қалың болсын деп ...)
Бесікке салған әжелерге жаулық, қамзол сияқты сый тартылады.
Бесік тойға әкелінген бесікке көрімдігі беріледі.
Бесікке баға беріліп, Сыйға-сый дегендей бесік әкелушілерге киіт беріледі. 💎💍💎
"Баланың бесігі - кең дүниенің есігі"
ТурсынайСерикбаева ⭐️⭐️⭐️
#бесіктой 15.07.22 ж 🍇🍇🍇
Еліміз аман, бейбіт заман болсын! 💐
#шілдехана #бесіктой
#бесіккесалурәсімі
#бесіккесалу #бесіккебөлеу #бесікжыры
#бесік #бесіккесалудәстүрі
#баланыбесіккебөлеу
#салтдәстүр #сарқылмасқазына