Рет қаралды 101,211
'Wag Mo Siyang Sukuan
Mahal ka pa niya.
Alam kong nararamdaman mo 'yun ' at nakikita
Masyado lang sigurong magulo ang utak niya ngayon
Kaya mas pinipili niya ang magtago
Mas pinipili niya ang lumayo
Pero maniwala ka,
Hindi niya gusto ang pakiramdam na hinahayaan mo siya
Dahil sa bawat pag-ayaw ay kabaliktaran ang nais nito
Ang totoo ay gusto niyang maramdaman na hindi mo siya kayang tumalikod sa 'yo
Habulin mo siya
Sa tuwing pumipiglas ay mas higpitan mo ang kapit sa kanya
'Wag mo siyang pakawalan
'Wag mong iparamdam sa kaniyang hindi siya kawalan
Yakapin mo siya
Hanggang sa maramdaman niyang hindi siya nag-iisa
Na kaya mong panindigan ang pagmamahal mo sa kaniya
Ilang beses ka man niyang takasan
Ilang beses ka man niyang ipagtabuyan
Ay 'wag kang magpapatinag
Samahan mo siya
Kahit na sinasabi niya sa'yong umalis ka na
Manatili ka,
'Wag kang magpapatalo sa luha't hiyaw niya
ikaw lang ang magpapakalma sa kaniya
Sapagkat sa pag-ibig mo siya nabaliw
Kaya't kumapit ka habang ramdam mo na mahal na mahal ka niya.
Maniwala ka,
Ikaw lang ang kailangan niya.
Hinihiling niya sa'yo ang saglit na paghinto
Sapagkat ang nais nito ay hindi ka tumakbo.
Kaya't 'wag mong hayaan na maramdaman niyang wala kang pakialam.
Sapagkat sa bawat araw ng wala kang pagpaparamdam
Ay mas tumataas ang rason para siya ay tuluyang magpaalam.
Kaya kahit hindi siya tumatawag sa'yo
Asahan mo na sa panig nito ay matagal na niyang hinihintay ang boses mo
O kahit hindi siya nagpapakita sa'yo
Ang katotohan ay matagal na niyang hinihintay ang pagdating mo
Gumawa ka ng paraan para malaman niyang nanatili ka pa ring nandiyan
'Wag mong hintayin na hindi ka niya hanapin.
'Wag mo siyang sanayin at baka hindi ka na niya isipin.
'Wag mo lang siyang bigyan ng halaga,
Bagkus ay iparamdam mo 'yun sa kaniya.
Dahil kahit sinusubukan niya ang kalimutan ka muna
Maniwala ka, hindi 'yun madali para sa kaniya.
--
Be part of the Bevies:
FACEBOOK GROUP:
/ 11935. .
USAP TAYO, BISITAHIN MO 'KO DITO:
FACEBOOK PAGE: / bcumla
TWITTER: / beverly_cumla
INSTAGRAM: @beverlycumla
SUNDAN ANG ATING PAMILYA.
/ @officialbevies
PARA SA MGA USAPANG TRABAHO:
beverly.cumla@gmail.com -
-
#BeverlyCumla #SpokenWord #Poetry #HugotTalk