Рет қаралды 881
#နိုင်ငံတကာသတင်း
◾️ ဘိုလီးဗီးယားမှာအာဏာသိမ်းဖို့ကြိုးစားတဲ့ စစ်ဗိုလ်ချုပ်ကြီးကို ရဲတပ်ဖွဲ့ဖမ်းဆီး
ဘိုလီးဗီးယားနိုင်ငံမှာ ထင်ရှားတဲ့အာဏာသိမ်းဖို့ကြိုးစားမှုတစ်ခု မအောင်မမြင်ဖြစ်ခဲ့ပြီး သမ္မတ လူးဝစ္စအာ့စ် က သူ့ရဲ့အခွင့်အာဏာနဲ့ပတ်သက်လို့ နိုင်ငံရဲ့စစ်တပ်အပေါ်အခိုင်အမာပြောကြားခဲ့ပါတယ်။
ဘိုလီးဗီးယားဒေသစံတော်ချိန် ယမန်နေ့မွန်းလွဲပိုင်းမှာ ကြည်းတပ်ဗိုလ်ချုပ်ကြီး ဂျုအန်ဂျိုဆေးဇူနီကာ ဦးဆောင်တဲ့ သံချပ်ကာယာဉ်နဲ့ လက်နက်ကိုင်တပ်ဖွဲ့တွေ က နိုင်ငံမြို့တော် လာပက်ဇ်ရဲ့ အဓိကအစိုးရရုံးအဆောက်အဦတွေ တည်ရှိရာ မာရီလိုရင်ပြင်မှာနေရာယူထားခဲ့ကြပါတယ်။ အဲဒီနောက် သံချပ်ကာယာဉ်တစ်စီး က သမ္မတနန်းတော်ဂိတ်တံခါးကိုတိုက်ဖွင့်ခဲ့ကြောင်း သတင်းတွေကဖော်ပြပါတယ်။
ဒါပေမယ့် နိုင်ငံတကာခေါင်းဆောင်တွေ က စစ်တပ်ရဲ့လုပ်ရပ်က တရားမဝင်ကြောင်း ကျယ်ကျယ်လောင်လောင်ဝေဖန်ပြစ်တင်ခဲ့ပြီးနောက် နာရီပိုင်းအကြာမှာပဲ ဇူနီဂါ က စစ်သားတွေကိုပြန်လည်ဆုတ်ခွာဖို့တိုက်တွန်းလိုက်ပါတယ်။
နိုင်ငံရဲ့ဒီမိုကရေစီကိုပြန်လည်တည်ဆောက်ဖို့ဆန္ဒရှိကြောင်း ဆန့်ကျင်သူစစ်ခေါင်းဆောင် ဗိုလ်ချုပ်ကြီး ဂျုအန်ဂျိုဆေးဇူနီဂါ က ပြောပါတယ်။
စစ်တပ်ရဲ့ဆုတ်ခွာမှုအပေါ် ဘိုလီဗီးယားနိုင်ငံရဲ့ ဒီမိုကရေစီအောင်ပွဲတစ်ရပ်အဖြစ် သမ္မတလူးဝစ္စအာ့စ် က ချီးကျုးခဲ့ပြီးနောက်ပိုင်းမှာ ပြည်သူအချို့ က အာဏာသိမ်းရန်ကြိုးစားမှုအပေါ် လမ်းများပေါ်ထွက်ပြီးဆန္ဒပြခဲ့ကြပါတယ်။
“ဘိုလီးဗီးယားပြည်သူတွေကိုအများကြီးကျေးဇူးတင်ပါတယ်။”လို့ သမ္မတအာ့စ် က ပြောကြားပါတယ်။
အဲဒီနောက်မှာတော့ အာဏာသိမ်းဖို့ကြိုးစားတဲ့ ဗိုလ်ချုပ်ကြီး ဇူနီကာကို ဘိုလီးဗီးယားရဲတပ်ဖွဲ့က ဖမ်းဆီးထိန်းသိမ်းလိုက်ပြီး စုံစမ်းစစ်ဆေးမှုတွေလုပ်ဆောင်နေပါတယ်။
ရုပ်သံ- CTV
#thestandardtimetv
#စံတော်ချိန်သတင်းဌာန
#Bolivia
Facebook Page - cb.run/XYtn
Telegram - cb.run/e3Ok
Viber - cb.run/WnV5