Рет қаралды 2,471
ယုံကြည်သူ ဘုရားသားသမီးတွေရဲ့ ဘ၀အသက်တာမှာ ကြုံရတဲ့ နာကျင်စရာအတွေ့အကြုံအချို့ကို ဘုရားသခင်က "ဒဏ်ခတ်ခြင်း" ဆိုတဲ့ဝေါဟာရထက် "ဆုံးမတော်မူခြင်း"ဆိုတဲ့ဝေါဟာရကို သုံးထားတာ တွေ့ရပါတယ်။ 'ဒဏ်ခတ်ခြင်း၊ အပြစ်ပေးခြင်း'ဆိုတာကတော့ တရားသူကြီးနဲ့ ရာဇဝတ်သားအကြားမှာ သုံးတဲ့အရာမျိုးဖြစ်ပြီး၊ 'ဆုံးမတော်မူခြင်း'ကတော့ မိဘနဲ့ သားသမီးကြားမှာ သုံးတဲ့အရာ ဖြစ်ပါတယ်။ ဒါက ယုံကြည်သူတွေကို ဘုရားက သားသမီးလို့ သဘောထားဆက်ဆံကြောင်းကို အဓိက ဖော်ပြလိုခြင်းဖြစ်ပြီး၊ ဒီအရာကလည်း ယုံကြည်သူတိုင်းရင်ဆိုင်ရမယ့် ဘုရားသခင်ရဲ့ စီရင်ခြင်း (၃)မျိုးထဲက ဒုတိယစီရင်ခြင်းအမျိုးအစား ဖြစ်ပါတယ်။
ဒါဆိုရင် ဘုရားသခင်ရဲ့ဆုံးမတော်မူခြင်းက ဘယ်လိုပုံစံမျိုးရှိသလဲ၊ ဘုရားသခင်ရဲ့ ဆုံးမတော်မူခြင်းကို ကျွန်တော်တို့ ဘယ်လိုတုန့်ပြန်ရမလဲ။ ဒီတရားဒေသနာဗီဒီယိုထဲမှာတော့ ဘုရားသခင်ရဲ့ ဆုံးမတော်မူခြင်းကို ဘ၀မှာ ကြုံဆုံရင်ဆိုင်ရပြီဆိုရင် ကျွန်တော်တို့ တုန့်ပြန်ရမယ့်အရာ(၃)ခုကို ဖော်ပြထားပါတယ်။ အသေးစိတ်ကိုတော့ ဗီဒီယိုထဲမှာ ဆက်လက်နားဆင်ခွန်အားယူနိုင်ပါတယ်။