ಇದು ಹಾವೇರಿ ಜಿಲ್ಲೆಯ ಹಾನಗಲ್ ತಾಲೂಕಿನ ನಾಲ್ಕರ ಕ್ರಾಸ್ ಬಳಿ ಇರುವ ಭೂತೇಶ್ವರ ಮತ್ತು ಚೌಡೇಶ್ವರಿ ದೇಗುಲವಿದೆ. ಸ್ಥಳೀಯರು ಭೂತೇಶ್ವರ ನಗರ ಎಂದು ಕರೆಯುವ ಇಲ್ಲಿನ ಈ ದೇಗುಲದಲ್ಲಿ ಹಲವು ವರ್ಷಗಳಿಂದ ವಿಶಿಷ್ಟವಾದ ಆಚರಣೆಯೊಂದು ನಡೆದುಕೊಂಡು ಬರುತ್ತಿದೆ. ಲಕ್ಷಾಂತರ ಮಂದಿ ಭಕ್ತರ ಅಭಯ ಕೇಂದ್ರ ಆಗಿರುವ ಈ ದೇಗುಲದ ಬೀಗದ ಹರಕೆ ಭಾರೀ ಪ್ರಸಿದ್ಧಿ ಪಡೆದಿದೆ. ತಮ್ಮ ಇಷ್ಟಾರ್ಥಗಳು ನೆರವೇರಿದರೆ ದೇಗುಲಕ್ಕೆ ಬಂದು ಬೀಗ ಕಟ್ಟಿ ಕಾಣಿಕೆ ಹಾಕುತ್ತಾರೆ.
ತಮ್ಮ ಕಷ್ಟಗಳನ್ನು ಹೊತ್ತು ದೇವಿಯ ಸನ್ನಿಧಿಗೆ ಬರುವ ಭಕ್ತಾದಿಗಳು, ತಮ್ಮ ದುಗುಡು ದುಮ್ಮಾನಗಳನ್ನೆಲ್ಲಾ ದೇವಿಯ ಮುಂದೆ ನಿವೇದಿಸಿಕೊಂಡು, ಅವುಗಳ ಪರಿಹಾರಕ್ಕೆ ಬೀಗದ ಹರಕೆ ಹೊತ್ತುಕೊಳ್ಳುತ್ತಾರೆ. ದೇಗುಲದ ಹೊರಗೆ ಬೀಗವೊಂದನ್ನು ಹಾಕಿ, ದೇವಿಯ ಮುಂದೆ ಮೊರೆ ಇಟ್ಟು ತೆರಳುತ್ತಾರೆ. ಬೀಗಹಾಕಿ ಹೋದ ನಂತರ ತಮ್ಮ ಇಷ್ಟಾರ್ಥ ಸಿದ್ದಿಸುತ್ತಿದ್ದಂತೆ ದೇವಸ್ಥಾನಕ್ಕೆ ಆಗಮಿಸುವ ಭಕ್ತರು, ತಾವು ಹಾಕಿದ ಬೀಗ ತಗೆದು ದೇವರಿಗೆ ಅರ್ಪಿಸುತ್ತಾರೆ. ಅಲ್ಲದೆ ತಾವು ಬೇಡಿಕೊಂಡಂತೆ ಕಾಣಿಕೆ ಸಲ್ಲಿಸುತ್ತಾರೆ. ವರ್ಷದಿಂದ ವರ್ಷಕ್ಕೆ ಭಕ್ತರ ಸಂಖ್ಯೆ ಅಧಿಕವಾಗುತ್ತಿದ್ದು, ಸದ್ಯ ದೇವಸ್ಥಾನದ ಜೀರ್ಣೋದ್ದಾರ ಕಾರ್ಯ ನಡೆಯುತ್ತಿದೆ. ದೇವಸ್ಥಾನಕ್ಕೆ ಭಕ್ತರು ಹಾಕಿದ ಬೀಗಗಳ ಸಂಖ್ಯೆ ಲಕ್ಷಕ್ಕೂ ಅಧಿಕವಾಗಿದೆ.
ಭಕ್ತರು ಹರಕೆಯಾಗಿ ಸಲ್ಲಸಿದ ಬೀಗಗಳನ್ನೆಲ್ಲಾ ದೇವಸ್ಥಾನದ ಅರ್ಚಕರು ಸಂರಕ್ಷಿಸಿದ್ದಾರೆ. ಪ್ರತಿ ಅಮವಾಸ್ಯೆ ಹುಣ್ಣಿಮೆಯಲ್ಲಿ ಇಲ್ಲಿಗೆ ಭಕ್ತರ ದಂಡೆ ಹರಿದುಬರುತ್ತೆ. ರವಿವಾರ ಹಾಗೂ ಗುರುವಾರ ಭೂತೇಶ್ವರ ಮತ್ತು ಮಂಗಳವಾರ ಹಾಗೂ ಶುಕ್ರವಾರ ಚೌಡೇಶ್ವರಿಗೆ ಪೂಜೆ ನಡೆಯುತ್ತದೆ. ಈ ವೇಳೆ ಸಾವಿರಾರು ಭಕ್ತರು ಶ್ರೀ ದೇವರ ಸನ್ನಿಧಿಗೆ ಆಗಮಿಸಿ ಪೂಜೆ ಸಲ್ಲಿಸಿ ಪುನೀತರಾಗುತ್ತಾರೆ.
#Haveri #BhuteshwarTemple #ChowdeshwariTemple
Our Website : Vijaykarnataka...
Facebook: / vijaykarnataka
Twitter: / vijaykarnataka