Рет қаралды 4,555
БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Астанада азаматтық некедегі жарын асқан жауыздықпен ажал құштырды деп айыпталған экс-министр Қуандық Бишімбаевқа қатысты сот процесі жалғасып жатыр. Кезекті сот отырысында экс-шенеунік пен істі болып жатқан бауырынының адвокаттары сөз алды. Алдымен, сотталушы Бишімбаевтың қорғаушылары пікір білдіріп, мемлекеттік айыптаушылар айтқан деректерді теріске шығаруға тырысты. Яғни, олардың пайымдауынша, сот тергеуі барысында Қуандық Бишімбаевтың кінәсі дәлелденбеген, қайта керісінше түсінік беруі кезінде айтқан сөздері расталып отыр. Ал, сотталушы Бишімбаев алғашқы күннен бастап болған іске кінәлі екенімді мойындадым деді. Бірақ мұндай ауыр айып тағылады деп күтпегенін айтты.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Бүгінгі процесс күн бұрын үзілген тұсынан басталды. Яғни, жарыссөз кезегі келген Лейла Рамазанова кешегі ойын әрі қарай жалғап, прокурорлар «Салтанат Нүкенованың қаржылық қысым көргенін» дәлелдей алмады деп отыр. Себебі, марқұмның жұмыс істеуіне ешкім кедергі болмаған. Әрі, жәбірленуші туыс-достарымен де емін-еркін кездескен. Бір жағынан, марқұмның бұл қайғылы оқиғаларға дейін зәбір көргені туралы арыз түсірмеуі - шағымының жоқтығы деді адвокат. Ал, Ерлан Ғазымжанов сотталушы шаңырақ көтергелі Салтанат Нүкеноваға үш рет қол көтергенін айтады. Пікірінше, бір жыл ішінде әйелдің 3 рет соққыға жығылуы жүйелі түрде зорлық көрсетуге жатпайды.
ЕРЛАН ҒАЗЫМЖАНОВ, Қ. Бишімбаевтың адвокаты:
- Олар бірге қыдырды, барғысы келген жерлерге барды, қымбат киім киді, бағалы әшекей тақты, ас-ауқаттан қысылған жоқ. Бірақ араларында тек үш-ақ жанжал болды. Бұл жүйелі түрде азаптау ма? Жүйелі түрде ұрып-соғу ма? Ендеше, үш кикілжің үшін қол көтерген еркекті ұстап, 7 жылға дейін қамап тастайық.
Қорғаушы «егер, Бишімбаев әйелін қасақана өлтіргісі келсе, басқа амалдарын қарастырар» еді деді. Пікірінше, қылмысты өз қолымен жасамайды. Ал, «алақанмен» ұрып, жамбасынан тепкені опат қылғысы келмегені көрінеді. Әрі, жазым етуге тырысса, қаланың сыртына апарып, кісі көзі түспейтін жерде өлтірер еді деп пайымдайды. Сотталушы да марқұм әйелінің өліміне кінәлі екенін мойындайды. Алайда, бір жыл бойы азаптап, қасақана асқан қатігездікпен ажал құштырды деген айыппен үзілді-кесілді келіспейді.
ҚУАНДЫҚ БИШІМБАЕВ, сотталушы:
- Мен әу баста-ақ Салтанаттың өліміне кінәлі екенімді айттым. Бірақ қасақана өлтірген жоқпын. Әрі менің сол күнгі іс-әрекетім де әдейі кісі өлтірмегенімді айғақтайды. Қаласам, денесін де жасырар едім. Себебі, «Гастро орталықта» қосалқы бөлмелер жетеді. Тіпті, оқиға орнынан бой тасалауға да тырыспадым.
Сондай-ақ, Бишімбаев істеген ісім үшін кез келген жазаны көтеруге дайынмын деді. Айта кетейік, жарыссөзге Қуандық Бишімбаевтың анасы мен Бақытжан Байжановтың әйелі де қатысты. Альмира Нұрлыбекова Нүкеновтер әулетінен кешірім сұрап, ұлын тек әйеліне қол көтеріп, агрессия танытқаны үшін жазалауды сұрады. Ал, Айнұр Күлдеева күйеуі ағасының айтқанына иланып, Салтанаттың хәл үстінде жатқанын аңғармай қалды деп отыр. Сондықтан, алқабилерден жазықсыз жазаламауын өтінді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық