Бәріңізге ассалаумағаликум. Атақты "Ағайынды төртеу" қылмыстық тобының серкесі Еркін Ізбасар түрмеден шықты. 16 жылға бас бостандығынан айырылған ол аяқасты неге босатылды? Кезінде мұнай ұрлады деп айып тағылған ол қылмысын неге мойындамады?
Ақтөбенің спортын көтеріп, палуандарды тәрбиелеп шыққан Еркін Ізбасарға жала жабылғаны рас па? Ол құрған «Ағайынды төртеу» мафиясының қазаққа қандай пайдасы немесе зияны тиді? Мұны сізге білген дұрыс.
Осыдан үш жыл бұрын қылмыстық кодекстің бір емес 13 түрлі бабымен айыпталып, 16 жылға сотталған «Ағайынды төртеу» тобының жетекшісі Еркін Ізбасар түрмеден босап шығып Ақтөбеге ұшақпен жеткізілген. Туыстарының айтуынша ол түрмеден ақталып емес денсаулығының нашарлап кетуіне байланысты босатылған екен. Арнайы медициналық комиссия мен түрме бастығының пікірін ескерген Өскемен соты Еркін Ізбасарды денсаулығы жақсарғанға дейін бостандыққа жіберген.
2016 жыл. Еркін Ізбасардың ұсталуы елді дүр сілкіндірді. Оны Ұлттық қауіпсіздік қызметкерлері арнайы операция кезінде тұтқындап еді.
Оған тағылған айыптарда ауыр. "Адам ұрлау", "ақша бопсалау", "қару сақтау». Мұнай ұрлаумен айналысқандарға басшылық еткені тағы бар. «Ағайынды төртеу» ұйымдасқан қылмыстық тобының көшбасшысы басында уақытша ұстау изоляторына қамалды. Дәл сол кезде Ұлттық қауіпсіздік комитеті Ізбасардың өзін-өзі соққан видеосын жариялаған болатын.
КНБ мұны саусақ іздерін алып жатқан кезде Еркін Ізбасар өзін-өзі ұрып-соққан деп түсіндірді. Содан Ақтөбеде соты басталды. Айыптаушылардың айтуынша, Еркін Ізбасар қылмыстық ұйым құрған. Қару асынып, адам ұрлап, қарақшылықпен айналыстыпты. Әсіресе аймақтағы мұнай компанияларына тыныштық бермеген. Қара алтынын ұрлап, келтірген шығын 39 млн теңгені құраған. Ал ұрланған мұнайды қылмыстық топ Ресейге де тасымалдап отырған. Олар қара алтынды көрші елге жеткізу үшін жалған құжаттар пайдаланыпты.
Мұнай ұрлығына қатысты қылмыстық топ мүшелерінің әр қиымылын Еркін Ізбасар бақылауда ұстап отырған. Содан қойшы 2018 жылы сот Еркін Ізбасарды 12 жылға соттап жіберді. Бұл шешімді естіген кезде ол ашуға мініп, айғайға басты. Әділдік жоқ екенін айтып, «аһ» ұрды.
Соттың бірнеше рет ескертуін елемеген оны сот, залдан шығарып жіберуді ұсынды. Алайда күзетте тұрған қарулы жасақ шығармақ түгілі, Еркіннің қасына жақындауға дәттері бармады. Сол кезде соттың шешімімен туысқандары мүлдем келіспеді.
Кейін Прокуратураның шағымынан соң апелляциялық алқа Ізбасардың жазасын 16 жылға ұзартқан. Еркін Ізбасардың сенімді серігі деп сипатталған Аухат Қалиевке 11 жылға бас бостандығынан айыру және мүлкін тәркілеу жазасы кесілді.
«Ағайынды төртеудің» атаманы Еркін Ізбасар. Мүгедектер арбасына таңылған ол елімізде спорт меценаты ретінде аты шыққан. 1998 жылы жол апатына ұшырап, мүгедектер арбасын отырған Еркін, спорттың жекпе - жек түрінен балуандарды дайындап, олимпиадаларға апарған. "Мен осы жекпе-жек түрімен айналыстым, спорттың осы түріне деген қызығушылық өмір бойына қалып қойды. 1998 жылы жол апатына ұшырап, содан бері спортпен қош айтыстым. Бірақ сонда да жаттығу залына барғым келіп тұрады. Енді тек балуандарымызға қолдау көрсету үшін барамын. Жетістіктер көбейе түседі. Облыста күрес мектептері көп, жас дарындар таяуда барлық жағдайы жасалған спорт интернатында шеберлігін шыңдай алады", - депті Еркін Ізбасар бір басылымға берген сұхбатында.
Оның Ақтөбенің спортын көтеріп, жастарға жол ашып бергені ел ішінде көбі айтылады. Әсіресе спортшыларға демеушілік көрсетіп бар жағдайын жасап беріпті. Ол қылмыстық іске шатылып, ұсталған кезде сол спортшылар араша сұрап, жақсы адам екенін айтып үндеу тастаған еді.
Кім не деседе болар іс болды. Енді түрмеден босап шыққан Еркін Ізбасар құқық қорғау органдарының үнемі бақылауында болады. Жалпы қылмыстық топтар аспаннан түспейді, қоғамның өз ішінен шығады. Ал шетелдік тәжірибеде қылмыстық топтар трансұлттық криминалдық мафия деңгейіне жетіп, өз қызметін заңдастырып алады, тіпті өзі тұрған елге анда-санда болысып қояды. Бұған орыс, итальян, қытай (хуацяо), испан мафияларының әрекеті дәлел. Мәселен Қытай мафиясы - триада әлеміндегі ең үлкен криминалдық топ болып
саналады. Өз қатарын лауазымды шенеуніктермен толықтырып алған триаданың лас жолмен келетін жылдық табысы - 200 миллирд юань немесе 24,7 миллирд доллар. Әсіресе Гонконгта шоғырланған криминалдық топтың саны 15-20-ға дейін барады. Әрқайсысының мүшелері 30 мың адамға дейін барады.
Орыс мафиясы - көп елді сескендіретін қауіпті құрылым. Ресейдегі криминалдық, бандалық құрылымдар мемлекет ішіндегі мемлекет сияқты. Питерлік, мәскеулік, шешенстандық, секілді аты шулы топтар бар. Деректер бойынша, Ресейде 3 мың қылмыстық топ, 70 мың этникалық және 365 аймақаралық криминалдық топ әрекет етеді. Сонда қылмыс әлеміндегі «сарбаздардың» жалпы саны 610 мың адамды құрайды, бұл - екінші дүниежүзілік соғыс кезіндегі 10 жалпы армия немесе үш майданның әскер санымен бірдей көрсеткіш. «Заңдағы ұры» - Ресей киноларының басты тақырыптарының бірі, орыс жастарының құндылығына айналған.
Сіз үшін білген дұрыс.