Жалкоого жумуш табылбайт!
Ар бир кесип ардактуу. Кесипти танда же жакырчылыкты танда.
Айтайын дегеним, өлкөбүздө эң азы 50% жумушсуз, туруктуу иш оруну жок. Анысы аз келгенсип, атайын окутулган, даярдыктан өткөн адистер жокко эсе. Майлуу сүттү жер эч качан бош калбайт дегендей, биз бир кесипти аркалап, бир жерде туруктуу иштебегендиктин себебинен ар кайсы жактан мигранттар келе баштады.
Алар азыр күнүнө акча табыла турган жумуштардын баарына орношо баштады. Мисалы, тигүү тармагы, такси, жеткирүү жана башка ушуга окшогон жумуштар, жадагалса, унаа жуугуч, куруу - баарында индустар, пакистандыктар, бангладештиктер толуп кетти. Булар арзан жана тез иштешет, тойго кетип калмай адаты жок, кечикпейт дагы, анан кыкеңе карганда аябай эле тыйынды да аз алышат.
Эми элестетип көрөлү, 10 жылдан кийин эмне болот? Индия - 1,5 млрд, Пакистан - 240 млн, Бангладеш - 150 млн. Булар дүйнө жүзүн каптаган, эгер Кыргызстанды да каптаса, баягы сен чанып, айлыгы төмөн деп иштебей жүргөн жерлерде жакында каалап-самаган күндө деле сага орун жок болот.
Ойлон! Бир кесипти тандап, ошону мыкты аркалаганга аракет кыл! Иш билги, дасыккан, колунан көөрү төгүлгөн, оозунда сөзү бар адис болсоң - эч качан кор болбойсун! Болбосо, жалкоолук жакында жаныңа жетет. Иш сүйгөн колдон тоо кулайт, иш качкан колдон камыш да сынбайт
Каналга катталып видеону жакындарыңыз менен бөлүшүп коюңуздар жана лайк басып, комментарий калтырыңыздар!
instagram: bilim.maina...
tik-tok: www.tiktok.com/@bilim.mainaev...