Рет қаралды 24
🔹 პროექტის ფარგლებში, დაგეგმილია დაცული ტერიტორიების სისტემის გაძლიერება, ახლადდაარსებული დაცული ტერიტორიების, კერძოდ, რაჭის ეროვნული პარკის, კვერეთის აღკვეთილისა და ტანას აღკვეთილის განვითარების გზით.
🔹 პროექტის ფარგლებში, აღნიშნულ დაცულ ტერიტორიებზე მოეწყობა საერთაშორისო სტანდარტების შესაბამისი სხვადასხვა სახის ინფრასტრუქტურა, აშენდება ადმინისტრაციული და ვიზიტორთა ცენტრები, რომლებიც სრულად აღიჭურვება შესაბამისი ტექნიკითა და ინვენტარით.
🔹 ეკოტურიზმის განვითარების ხელშეწყობის მიზნით, დაინერგება ეკოტურისტული სერვისები, მოეწყობა საფეხმავლო ბილიკების ქსელი, სარეინჯერო კოტეჯები, განვითარდება სარეკრეაციო სივრცეები, საპიკნიკე, საკემპინგე და ცეცხლის დასანთები ტერიტორიები. მოხდება რეინჯერთა გადამზადება, შეიქმნება სხვადასხვა სტრატეგიული დოკუმენტი. დაცული ტერიტორიების მიმდებარედ განხორციელდება სოციალური პროექტები.
🔹 პროექტი ხორციელდება გერმანიის განვითარების ბანკის ფინანსური მხარდაჭერით და სახელმწიფო ბიუჯეტის თანადაფინანსებით. პროექტის ბიუჯეტი 16 250 000 ევროა. პროექტი 2022 წელს დაიწყო და 2027 წელს დასრულდება.