Рет қаралды 38,749
12+
Valideynlər dəniz sahilində bağ evi tikməklə onlardan və bir-birlərindən aralı düşmüş uşaqlarını bu evdə toplamağı arzulayırlar. Lakin sən saydığını say, gör fələk nə sayır. Nə oğlanlar, nə də qız heç cür vaxt tapıb valideynlərinə kömək etmək üçün bağa gələ bilmirlər. Onların başları həmişə qarışıqdır: gah kiminləsə görüşür, gah da iclasda, elmi şurada iştirak edirlər. Nəhayət yalnız böyük oğul Eldar ana ilə atanı başa düşür. O, ananın arzusuna şərik çıxır və inanır ki, dağınıq ailə üzvlərini bağ evi bir yerə toplaya bilər.
Film Rüstəm İbrahimbəyovun “Qum üzərində ev” pyesinin motivləri əsasında çəkilib.
İstehsalçı: Azərbaycanfilm
İlk baxış tarixi: 13.02.1978
Texniki göstəricilər: 35 mm
Janr: lirik-psixoloji dram
Rejissor: Yuli Qusman
Ssenari müəllifi: Rüstəm İbrahimbəyov
Operator: Valeri Kərimov
Rəssam: Firəngiz Qurbanova
Bəstəkarlar: Xəyyam Mirzəzadə, Rafiq Babayev
Rollarda: İqor Kvaşa (Eldar), Firəngiz Şərifova (ana), Larisa Xələfova (Validə), Süleyman Ələsgərov (ata), Rasim Balayev (Əli), Mayya Danilyan (Eldarın bacısı), Sergey Yurski (direktor), Yusif Yulduz (Ağamehdi), Hamlet Qurbanov (Qulam), Muxtar Maniyev (balıqçı), Hacı İsmayılov