والله جربت قراءة ورد القرآن جزأين من القرآن مع أذكار الصباح والمساء دفعت عن حياتي الكثير من المشاكل

۞ وَيَسْأَلُونَكَ عَنِ الْجِبَالِ فَقُلْ يَنسِفُهَا رَبِّي نَسْفًا ۞ من يستطيع أن ينسف الجبل في لحظة قادر على أن يزيل همك في لحظة أبشر فإن الفارج الله 🌸

العين حق أخي الكريم " تدخل الرجل القبر وتدخل الجمل القدر"

ياربي استرلي راجلي راني نجاهد باه نحي عليه العين والحسد لحق للموت والخدمة مكانش مستحيل نتخيل روحي بلا بيه لي يفوت منا اخ او اخت يدعي معايا من القلب لخاطر معنديش غيرو في الدنيا اذا حاجة صراتلو نضيع انا وولادي

بارك الله فيك، والله انا فاتت علي قصة تشبه هذه القصة ،سبحان الله، المرءة رءتني في سهرة فرح و قالت لي انت جبتي ثلاث اطفال و جسمك منحوت كالشابة العدراء و لم تسمي الله و لم تقل ماشاء الله بل أحسست انها قالت لي ذالك و هي مدهشة،و بعدها مرضت بسرطان، اعلم انه قدر و قضاء و لاكن العين حق،و الحل هو التحصين بالاذكار و القرءان الله خير حافظ

اخت لي دارت ليا ابوني الله يخلي شملها مجموع و كلامها مسموع و راسها مرفوع يارب العالمين 😍😍

حنا هازين من الاسلام غير الاسم!! حسادين بغاضين و منحبوش الخير لغيرنا 😓😓

انت الصحفي الوحيد اقدرك واحترمك لانك صحفي مجتهد الله يوفقك

صح عين كاينة و انا جربتها ..كان عرسي بقالو عشر ايام...من بين تحضيرات العرس كريت اكبر صالة في ولايتي و تحضيرات كبيرة و عرس بطبع كيما تقولو و حمد الله حالة مايسورة و من اجل كورونا لازم الاتساع.....نهار لي كنت مححدة فيه حنتي...وصلت لستشفى ....حكمتني كورونا وصلت اكسجين و شت موت قدامي كفاه مدايرا...لي مقابلني يموت و نسنا في روحي انا تاني نموت....و تأجل عرسي ب اربع اشهر بسبب تدهور حالة صحية تاعي و لحد ساعة مازلت نعاني من مضاعفات..ربي يهدي ما خلق

نفس حكايتي سبحان الله انا كنت حامل و خبيت جنس الجنين كان ولد و كان مبقاليش بزاف نولد و ماما كانت قاعدة مع جارتنا و هي عندها بنتها و عروستها عندهم غير لبنات كي سقساو عليا ماما قاتلي قلتلهم بلي عندك ولد و سبحان الله يومين امبعد ماتلي لبيبي في كرشي .... ربي يعوضني و نام كي كانو يجو ناس عندي يقولولي مازلتي صغيرة تاعودي ترفدي و انا لدك مزال محملت و لحكاية عندها اربع سنوات ربي يعوضني و ربي يرزق كل محروم

العين حق والسحر يلحق وطيرا باطلة اللهم احفضنا و يعطيك الصحة يا خويا يوسف ربي يوفقك ان شاء الله

قال رسول الله صلى الله عليه وسلم (العين حق ) وقال رسول الله صلى الله عليه وسلم ( العين تدخل الرجل القبر وتدخل الجمل القدر )

راني نافسة وماتلي ولدي بعد ربع ايام ملي ولدتو قالولي عندو مكروب قاوي المهم قتلوني بلعين قالو عندها طفل ومامبا عام زادت طفل قتلوني ربي يحكم فيهم هاد ناس مكانش ليفرحلك فهاد الوقت مكانش ليقول بسم الله ياربي عوضني يارب

نحن على علم أن العين حق،لكن لضعف الإيمان أعطيناها أكبر من حجمها بكثييييررررر ،الله يهذينا ويصلح حالنا.

ادعوا لي بالشفاء العاجل جزاكم الله كل الخير ارفعوا أيديكم إلى الله تعالى وبركاته والله بحاجة ماسة منكم . انا دمرتني الحسد والبغض والحقد والعين الله يهدينا

في بعض الاحيان الانسان هو الي يكون سبب مشاكله لانه ينسا بلي هاذ النعم عطاهملو ربي ويبدا في التفاخر والتكبر على المقربين منو تقدر تكون دعوة شر اكثر من العين وانا نهدر على نفسي منضخمش عين مخلوق ڨدام ڨدرة الخالق كل حاجة تصرالنا باذن الله عز وجل

كملنا قصة تاع خيانة الاصدقاء تعيش خويا يوسف راني نستنا فيها بفارغ الصبر

أدعو لاختي بالرحمة ولاخواتي الاخريات يارب ارحمهم برحمتك الواسعة

حفظ الله تعالى استاذ الشريعة الذي كشف لنا حقيقتك بفضل الله تعالى و منه ..و نحن نتعجب كيف يوجد في المجتمع الجزائري من يفكر مثلك خاصة في امور الدين و العقيدة و الاخلاق..

مكانش لي يشوف حاجة ويقول الله يبارك. ولا يشوف بعين الرحمة. الناس تشوف بعين حاسدة وحاقدة بغية زوال النعمة. والرسول عليه الصلاه والسلام: قال ثلثي امتي يموتون بالعين.

شكرا على تواضعك أخي يوسف أنت من أحسن الصحافيين اللي نحسوك قريب من الشعب متواضع ومتربي وتعرف تهدر ماشاء الله عليك

والله غير العين حق يعطيك الصحة اخي يوسف مطولش علينا نحبو نسمع هذ القصص الواقعية وناخذ العبرة من كل قصة مزيد من النجاح والتوفيق.

ادعيولي خياتي ربي يشفيني من العين والحسد وعندي اصعب مرض ملي كنت 17سنه تمن سنين حتال لليوم ادعيولي الله يجازيكم كل خير ويعطيكم وش تتمناو ان شااء الله يا ربي

حسدتها كان لازم ترقي نفسها بنفسها مباشرة وكان لازم تقوللها في وجها مشاء الله تبارك الله عليا هكذاك تبعد عن على روحها .الحمد لله لم احسد احد فقط مرة كنت عمري خمس سنوات غورت من اختي ترتدي حجاب فطلبت من امي ان تخيط لي مثله وفقد

ما شاء الله عليك أخي يوسف أحب شخصيتك وأنت متواضع تختار مواضيع رائعة ربي يمدلك ما تتمني ويوفقك 👍🤲🙏👍

السلام عليكم، انا أؤمن بالعين،أو عانيت منها ،واصبت باكتاءب حاد. انا مقيمة في فرنسا كنت حامل في الشهر التاسع ،لم يكن يعلم بجنس الجنين في البلاد احد،أقوم الاخ دايلي اروح البلاد ينشر الخبر بلي عندي ولد ، اقسم لكم الجنين احبس قلبو ، الحمل التاني نزلت عطلة الصيف كنت حامل شهرين كل شيء على مايرام انتهت العطلة رحت انبقي سلفتى على خير ولم تضهر علامة الحمل بعد ولم اعلن عن حملي لأحد فقالت لي أنتم هناك في فرنسا عندكم التويل كي تولد المرأة وكلام اخر،والله ملي رجعت وانا تعبانه تصوروا حبس قلبو في الشهر السادس. اللهما لك الحمد، عندى ولدين اللهما ابركلي فيهم ويبعد الحساد عليكم

كاين اللي عينه صاروخ بزاف ناس ماتت من العين وكانو أغنياء ورجعوا فقراء والصحة تروح يقولوا عين ماصلت علي النبي للان هذا الإنسان فيه حسد وسموم تنتقل الي المعيون وتوصله للموت ربي يسترنا من أعين الحاسدين والعاءنين

بعتلك عندي أشهر قريب عام معاناتي و قريت المساج على الواتساب و لا حذث و مأساتي وين تبان هدي لكن مع الاسف الظاهر حتى كي تكون معاناة و يتم الانتقاء على حسب الاشخاص كنت نمر بحالة يأس و إكتئاب و انا وحيدة و مغتربة لكن لا حياة لمن تنادي كنت نتأمل أن أجد آذان صاغية و لا حتى تشجيع

نفس حكاية اختي عندها الله يبارك 4 دراري وكانت اونسانت بالخامس تلاقات بوحدة كانت تخدم معاها قاتلها ماعييتيش مازلتي تجيبي هي راحت وهو ختي حكمها وجع الولادة فالسابع وزيدت ومات وليدها وختي قريب ماتت والحمد لله

نعم العين ادخلت الرجل القبر والجمل القدر. هدا قول الرسول اكيد نامنوا بيها

Notre famille a payé le prix fort à cause du mauvais œil ( un regard envieux et jaloux) des gens malades et malhonnêtes que ce soit des personnes de la famille ou des amies proches.

مرة كنت رايحة لعرس ولد خالي وكنت شارية ڨندورة جديدة وبليغة شابين لبستهم واستيكيت روحي عادي وماكييت خفيف يعني متوسطة الجمال وكي وصلت مرت خالي نحاتلي البليغة ولبستها وزادت وحدوخرا قاتلي راني رايحة معروضة سلفيلي القندورة تاعك قتلها صحا والله والله والله ياخويا يوسف كي رجعت للدار غدوة من داك كنت نطيب فاىكوزينة ودايرة قدرة تع ماء تغلي رحت نرفدها ونحطها فالارض وتتكسر اليد تاعها وتقلبت عليا انحرقت من صدري ورجليا هبلت والله بصح الحمد لله ماجاتش فوجهي كون عمييت باه تعرف بلي العين حق.

كاين بزاف حالات هنا واحدة الطفلة قبل ما تتزوج كانت ضعيفة بزاف وكما يقولو سمرا ووو وتخيل بعد زواجها بشهر سبحان الله العظيم سمانت بياضت تبدلت حتى دارهم ماعقلواش نهار زارتهم، وكانت وحدة جارتها غير شافتها قالتها اخاه هذيك العود ووو ولات هكا كفاه ومنا وهكا او العشيةالطفلة راحت تطيب طاحت عليها مقلة زيت مغلية تحرقت كامل في مناطق حساسه قعد يومين ماتت🙄

انا كنت دايمن متفوقة ف دراستي ملي طلعت للجامعة و دخلت تخصص مدرسة عليا رياضيات موليتش نقدر نقرا كل ناس ل نعرفهم راحوتولي تقري راح تترفهي و كل مرة يتبعوك صح العين حق مي المكتوب على ربي كي يكتب حاجة تصرا تصرا و صح لواحد لازم يخبي ميحكيش كلش

سلام عليكم خوتي خوتاتي دعولي ربي يرزقني الذريه الصالحه ربي يحفظكم ويسعدكم قلبي رآه محروق أنا اختكم في لله

ربعة سنين وانا نعاني مع وليدي جاب الباك 2017 بتقدر جيد جداً ناس كامل تخلعت واضبيح والله من هذاك الوقت ما قرا ما دخل الجامعة رآه اعاني ونعاني معاه كره كلش والله القلب يوجع. العين حق.

عند 11عام زواج و رب مكرمنيش الحمد لله هكداك و العرب و الله مطلقوني بالعين و الحسد و الغيره وو.........و ملامح نتاع وجهي تبدلو😢😢 و الله مرضوني مخلوني منفرح حتى بالحاجه رب وكيلهم🤲🤲🤲 حسبي الله نعم الوكيل في من أذاني

في عوض لي تقوللها ماشاء الله تبارك الرحمان يترباو في عزكم والذرية نعمة ولكن في وقتنا هذا يحسدوك حتى فالضحكة حسبيالله ونعمة الوكيل

Très bon sujet , c est une grande vérité ,on en a tous des expériences ...moi.la même que le femme💔 ...rabi inchallah iba3ed Alina wa 3likoum elhoussad 🙏

ممكن العين سبب و لكن الموت بالأجل.. يقول الله تعالى: ((.. و إذا جاء أجلهم لاديؤخرون ساعة.. )) و لأول مرة أسمع بموت شخص بسبب العين... ربي يرحمهم... لهذا حثنا الله على الذكر و التسبيح...

سورة البقرة قراءتها والصلاة بها احسن علاج مع قراءة القرءان يوميا والصلاة في وقتها علاج رباني

العين حق اخي يوسف لكن الله سبحانه وتعالى أعطانا التحصين لهذا واللي يبعد عن طريق رب العالمين هو الخاسر

Très important,ya beaucoup de gens que leur vie a été détruite a cause de la mauvaise œil 😡😡😡malheureusement. On dit pas" ALLAH IBARAK".Youssef on attend toujours la fin de l'histoire de la copine qui a trahi sa copine de l'enfance .Merci et bon courage 👍👍👍

لمحافظة على قراءة سورة البقرة كل يوم ميخاف حتى من حاجة

انا لوكان نشري خمار جديد نبات بالسخانة و مريضة طايحة فراش، الناس يلبسوا و يشروا طوموبيلات و يبنوا فيلات و ماتقيسهمش العين وانا حاجة صغيرة يحسدوني عليها، وكاين ناس والله مهتمين بحياتي أكثر من حياتهم يا لطيف

كل ذي نعمة محسود وكل محسود مسحور . أكيد بالعين قتلتلها الصبي .ام الصبيان هي تابعة تسقط الاجنة والحمل وتاتي التابعة من كثرة العين .الله اطفأ حر العين واحفظنا من شرها

اللهما ارزقنا الزوج الصالح و أبعد عنا عين الحسد

العين حق .وتقدر تفعل اكثر ما حدث للسيدة .وإن شاء الله ربي يعوضها.وكما قال الرسول عليه افضل الصلاة والسلام :اقضوا حواءجكم في الكتمان.

صح كاين منها أنا ختنت وليدي وقبل كنت شريت قش كامل جديد جاوني ضياف المهم غدوا من ذلك الخزانة طاحت بابها والمواعن تكسرولي الفوتاي طار رجلو ..... حتى رقيت

قال رسول الله صلى الله عليه و سلم ( لو كان هناك شئ يسبق القدر لا سبقتـه العيـن ) . وكل ماأوتي في القرآن والأحاديث فنحن كمسلمين نأمن به ونصدّقه . الأخ يوسف يوجد من الناس من لايملک مما يمتلكه أكثر الناس من المال أو الجاه أو صحة البدن أو الجمال أو التعليمـ أو أو أو ولكن رغمـ ذلک تجده محسود فقط لأنه يمتاز بشئ لا يوجد عند الآخرين فضله به الله عن بقية خلقه مثلا تجده إنسان مقبول في المجتمع بابتسامته أو طريقة حواره مع الناس أو بإسغائه للآخرين وتفهمه للآخر وهذه ميزات تقل في كثير من الناس ولذلک تجده محسود عليها . اللـهمـ اكفنى شر الحاسدين والحاقدين ⁦☝️⁩

العين حق ماما ربي يرحمها يضلو يتبعو فيها بالعين ماما كانت شابه وزينه لي تلبسها تخرج عليها كانت ديما تمرض راسها يوجعها بزاف تمرض بالخف حتى ماتت ربي يرحمها ويغفر لها ويسكنها فسيح جناته.

السلام عليكم ورحمة الله وبركاته. كيفاش هادي تقولنا je ne sais si العين existe ou pas و حديث الرسول صلى الله عليه وسلم يقول :نصف أمتي تموت بالعين الله يحفظنا و يحفظ أولادنا من العين و من شر خلق الله. آمين يارب العالمين.

كنت كى نشوفك تبانلى عيان بصح كى عدت نتبعك والله نعم التربية و نعم أخلاق ربي يحفظك لخياتك لانك أروع أخ و راح تكون أروع أب باذن الله

صح العين حق يوسف كيما تقول ماما نص الجبانة داتها العين على هاديك لازم نتحصنو بالاذكار ولي عارف عينو تخرج يخي قولو تبارك الله قل اعوذ بربي الفلق دك راهم يديرها بلعاني والله الله يهدي وخلاص

نعم اخي لقد فقدت التي ابني الخامسة عشر بسبب العين ولم يكن مريضا سقط المرض عليه هكذا . كان جميلا وعلى قدر كبير من الاخلاق

الرسول عليه الصلاة و السلام. قال نص امتي تموت بالعين. وقال العين تجي بعد القضاء و القدر

نعم انا خطرة دخلت جارة لداري قاتلي راكي مع لي طرافو ، كنت نخدم الكوزينة,هذيك لعشية شعلت النار بيني و بين الزوج بلا سبة ، انا فهمت بلي العين ، رقيت في الماء و رقيت الدار باش تهدنت الحالة .

الرسول عليه الصلاة والسلام وسحروه وما بالك العين قال رسول الله صلى الله عليه وسلم نصف أمتي ماتت من العين والعين حق الله يبعد عنا شر النفوس وشر الشيطان 🤲🤲🤲🤲🤲🤲🤲🤲

العين حق مكانش الي سلم منها الله يحفظنا جميعا آمين يا رب العالمين.

انا وصلت كي نرقد نحس ناس واقفة و تخزر فيا حتى لي نبيت الضو مشعول لمدة عام ، و هذي قليل لي يفمهما ، لي يشوف روحه في هاذ الحالة يعرف باي راه متبوع بالعين، مهم الحسد يحطم ، و لي يحسدك يسحرك ، خلي البير بغطاء. المهم كل عداوة ترجى مودتها إلا عداوة من عاداك عن حسد.

اخي يوسف مازالك تبع في قضية طبيبة النساء من المسيلة الي انت قدمتنا حصة عليها راهم حكمو عليها ب خمس سنوات سجن حاول تقدمنا تكملة الحصة

العين كاينا زوجي عام وهو في الفراش لا يمشي لازم انا نديه و نجيبو ديتو تقريبا نص طبا في قسنطينة والنافع ربي سبحانو قالو ما عندو والو رايحا نهبل كيفاه ما عندو والو و مايمشيش ربي يفك احوالو ياااارب والله تعبنا😢

العين حق وتقدر توصل للموت وفاغلب الحالات توصل للموت. بصح كاين لي معيان تمتم تجري فيه العين وكاين لي نورمال يبانو بابهى ماعندهم ومايصرالهم والو

يا حصرا اكيد هي العين يالاطيف قل أعوذ برب الفلق يا اخي عندي اختي صرالها هذ الشي منذ عامين هي قعدت قريب عشر سنين ماولدتش ونهار كتب ربي سبحانه تولد جابت زوج اولاد واحد مور آخر وموراهم زادت رفدت وكي سمعو شي عباد قسما بالله من كلامهم(وحدة قالت وهي مخلوعة :ياخااه زادت رفدت تانيت) ومافاتوش يومين هذاك البيبي حبس قلبو في بطن امه غير ربي لي حفظ اختي.

ادعولي تفتح الأبواب المغلقة ويتحقق حلمي واهاجر أنا وعاءلتي ياك متحسدونيش 😂😂😂😂 ربي يكون مع كل مؤمن ويبعد علينا الحسد والعين

والله عين حق انا اختي ماتت ومات البيبي بعد مازاد وخلات وليداتها صغار بزاف. خلاتهم لدنيا المرة متشردين تبوعها بزاف بالعين والحسد ولي حسدوها راهم بالحمل وبلادهم سلفات الشر الله ينحيهم ويتملهم ولادهم كيما يتمو ولاد اختي

يا خويا العين و السحر و الحسد طيحوني فراش انا و زوجي و أولادي لازم واحد يحصن روحوا صباح و مساء الناس تقعد تعس فيك و كي يكبروا ولادهم يلقاوهم ماشي مرابين جيهم الغيرة حسبيا لله ونعمة الوكيل

*فعلا العين حق ومذكورة فالقرآن ربي يسترنا ويحفظنا جميعا*

صح اخ يوسف العين حق و يجب علينا حسين نفس بالأذكار والقرآن الكريم.

الله يسترنا ويبعدهم علينا كما بعد السما على الارض العين والحسد والحقد في قلوبهم مرض فزادهم الله مرضا

العين اكدها نبينا الكريم عليه الصلاة والسلام وأخبرنا انا معظم أمته يموت بالعين وكلمة واحدة تمنعها هي ماشاء الله ولكن للاسف هي ثقيلة على ألسنتهم كثقل قلوبهم الحاسدة وحسبي الله ونعم الوكيل

العين حق .انسان لازم يعود نفسه يقول في كل حاجة ماشاء الله تبارك الله ويصلي على النبي لأنو ذكر الله ينحي هذيك طاقة لي جاية من الحسد والعين اذكروا الله على كل شيء .

C sûr que le mauvais œil existe. Rabbi yeltof bina. Bravo pour tout ce que vous faites. Très bonne continuation

العين كاينة، عندي بنتي من لي دخلت تقرا هي الاولى والاعين كلها عليها لدرجة لم تبق حتى معلومة علمية في راسها تدخل الامتحان تكتب اسمها تخرج باش فقنا بيها ورقيناها بدات ترجع شويا شويا

باختصار قال رسول الله صلى الله عليه وسلم لو كان شي يسبق القدر لسبقته العين وقال اكثر امتي الموجودين في القبور بسبب العين لكن في نفس الوقت اعطانا الله الترياق الصلاة والاذكار باه يا علاه كل واحد ميلهاش بحياتو وحنا تهنينا مشكل في الناس يحسدوك على والو ومابالك عندك حاجة الله المستعان الانسان ميتوسوسش ونفس الوقت الاحطياط واجب الموضوع كبير لا نهاية له

والله العين حق انا روحت نولد لاس عليا كيحب يخرج البيبي جاف مات وصلت الموت ربي وكيلهم هدو الناس الي ماتصلي على النبي

ماتديهاش في روحك بزاف يوسف عندي شحال نرسلك وانت متكبر ومشنك شايفنا ..صاي ماقلناش

والله العين كاين منها انا صراتلي جبت مره اول ولد ومره الثاني ولد ومن العين تاع عجوزتي وسلفاتي مات وهما يقولولي انتي جيبي غير لولاد

شكرا لك اخي يوسف على هدا الموضوع . فعلا العين والحسد دمروا عائلات

انسان راقي ربي يحفظك أخي ❤️❤️

العين الحق لازم الواحد دائما يقول ماشاء الله و الله يبارك و ربي يبعد علينا كل ماهو مؤذي إن شاء الله ❤️

انا وحدة هردتني العين بصح ديما ديرة الايمان في قلبي بلا ربي حاجة متفوت الا باذني الله هذي تدخل في الكفر ربي كتب علينا حوايج شوفوهم

العين حق و الرسول صلى الله عليه وسلم قال اكثر امتي يموتون بالعين

العين غير مع العرب.... ..الشعوب الاخرى احسن منا في كل شيء ولم يحصل معها اي عين او حسد🥱🥱🥱

العين حق ولازم الأهل أيعلموا الأولاد الذكر صباحا ومساءا منذ الصغر خصوصا آية الكرسي. وعلى كل انسان أسبق - ما شاء الله- في كل حاجة تعجبوا

بارك الله فيك يا ابني لكن لو تتخلى عن الكلام بالفرنسية رايح يكون أحسن و ربي يوفقك في عملك

الرسول صلى الله عليه و سلم انه العين حق

العين حق و السحر حق، و الطيرة نهانا عنها الرسول عليه افضل الصلاة والسلام

كاينة الضبيح والله غير حق لأن حسد والعياذ بالله كنت ماشاء الله واليوم منيش قادرة حتى على شغل الدار الله يحفظنا تلبوني في كل شيء دمروني في كل شيء

ربي يعاونك في مشوارك المتبقي تستاهل كل التقدير والثناء اخي يوسف والله أنا نبغي برنامجك بزاف

كان عندي زوج نعم الزوج ...كان ديما خوه كلما يشوفو يقولو راك عايش خيرمني ...بالجمعة قالو راك سمنت وزينت ....بالسبت دار حادث مرور وتوفى ...ربي يرحمو ...من ذاك النهار رجعت نامن بلعين ونخاف منها ...😔😔😩😩ربي يرحمو ويرحم موتانا يارب

سلام خويا انا وحدة شوف معنديش لاولاد عندي 3سنوات اختي لكبيرة تزوجت شهر رفدت وطاح ليها وحطات في بلها انا عينتها كي عودت رفدات خبات عليا مرضت عدت نروح من داري لدرنا يخزرو فيا خزرات شغل انا انسانة موش مليحة في الوقت لكنت نحتاج دعم تعهم تخلو عليا كامل مرضت نفسيا تقهرت واش هو ذنب تاعي كي معنديش لاولاد يعني نغير منها ولاو درنا يهدرو عليا بلخايب باه منروحش لدارنا يخويا صح العين حق بصح المحروم تان لازم يسعفوه يوقفو معاه ربي يعلم بلي محملتش في قلبي اي شي موش مليح باه نضربها بلعين الناس معندهمش رحمة يارب لا تذرني فردا وانت خير الوارثين 🥺🥺🥺🥺🥺🥺

هذه صراتلي مرة كنت نخدم في السبيطار عندي garde لبست خمار جديد هايل دخلت للمستشفى شافتني وحدة مافاقتش مع روحها عيطت واحد العيطة وقالت خمارها خلات الناس كامل يخزروا فيها.. أنا في هذيك الدقيقة شغل حكمتني القشعريرة وشوي السخانة طلعت لثم للغرفة نتاعي غلقت الباب بقى الدم يسيل من خشمي حتان صبح الحال ربي يستر المومنين

صح كاينة منها خويا العزيز انا حياتي تدمرت غير بسبب كثرة العين والحسد من ضربة لضربة عادت تصرا معايا تدمرت حياتي وصحتي بسبتهم وكثرة العين تصبح تابعة الله يبعدها علينا ويشفينا ان شاء الله

وقتاش تبث حلقة لي قلتنا عليها نتع غدر الاصدقاء سبق وحكيتنا عليها

والله العين حق عن تجربة حقة زوجي مسكين قلبو بزاف مليح وفحل ويحب يخدم وانما الحاجة لي يديرها ماتصدقلوش والله يحاول مرارا والو تحس عندو تابعة رقى رقى حاكم صلاتو ومزال نفس الحالة والسبب هو انو يهدر كل حاجة للناس بنيتو

كون غير جاو يعينوا برك و يحسدوك ... كاين ناس يا لطيف ربي يبعدهم علينا نشا الله ... يعطيك الصحة .

وعلش في أوروبا عندهم الزين وعين وما عندهم هد شيء الا في الباد العربية الي فها العين وحسد وسحر وجن الا في بلاد العربية.

صباح النور أخي صح كاين منها يحسدوك علي أتفه الأسباب حتي علي المرض يحسدوك عليه

العين حق يعطيك الصحة أخي يوسف على المواضيع لي راك تقمهوملنا والله نستناوك بفارغ الصبر ربي يجازيك كل خير انشاءالله