Рет қаралды 6,112
Qo’shrabot tumanining Buloq qishlog’i xaritadan tushib qolganmi yoki nazardan chetda qolganmi? Bu qishloqda na suv bor, na yurish uchun yo’l bor. Yozda chang qishda loy bo’ladigan ko’chalarda aholisi ancha yillardan beri istiqomat qilib keladi.
“Doim kelib va’da berib ketishadi lekin natija yo’q’’-deydi qishloqning keksa bir ayoli.
Bu quruq va’dalar qachongacha davom etadi, qachon natija bo’ladi? -degan savollarimizga yo’l qurulish bo’limi mas’uli javob berdi.
Buloq qishlog’ida 200 nafardan ziyod xo’jalik bor. Bu yerdagilarning ko’pchiligi dehqonchilik qilish uchun harakat qilishadi. Ammo buning imkoni yo’q.
Faqatgina iste’mol uchun olib kelinadigan suv dehqonchilikka yetmaydi. Ko’pi bilan 4-5 nari borsa 7 chelakkacha chiqadigan suv bilan qishloq aholisi o’z ehtiyojini qondirib kelmoqda.
Murojaatni o’rganishimiz davomida qiziq bir xolatni ham guvohi bo’ldik. Bizni ko’rib kayfiyati buzilgan mahalla raisi to’satdan sababsiz hammaga baqirib ketdi.
Xayratlanarlisi shuncha vaqtdan beri va’da berib kelayotgan mas’ullar muammoni joyida hal etish mumkinligini aytishdi.
Xo’sh muammoning yechimi shunchalik tez hal bo’lar ekan, nega mas’ullar biz borishimizdan oldin harakat qilishmadi? Ularga turtki kerakmi yoki vaqt cho’zishdan foyda bormi? Va’da berilgan vaqti kelishi bilan biz yana bu mavzuga qaytamiz.