CameraLK ආයතනය සහ CamerLK sports Club සමග සැඟවුණු ක්‍රීඩා දක්ෂයින් සොයායමින් ඔවුන් ජාත්යන්තර තලයට ගෙනඒමට සහය වන තවත් එක් ව්‍යාපෘතියකට අද දින මුල පුරමින් ක්‍රිකට් පුහුණුවීම් සඳහා අත්‍යාවශ්‍ය වන පැති විකට් දෙකක් ඉබුලාන ශ්‍රී සේන මහා විද්‍යාලය වෙත් පරිත්යාග කරන ලදි.
ක්‍රිකට් ක්‍රීඩාවට දක්ශ දරුවන් මෙම පාසලේ බොහෝ ඇතත් පවතින බොහෝ ආර්ථික දුශ්කරතා මද්‍යයයේ එදිනෙදා අවශ්යතා පවා ඔවුන් ඉටු කරගන්නේ දැඩි අසීරුතාවයෙන්. එවැනි පසුබිමක් තුල මේ දරුවන්ගේ දෙමාපියන් පවා ඒ වෙනුවෙන් අමතර වියදම් දැරීමට නොහැකිව අසරණ ව සිටින අවස්තාවකයි CameraLK අපි ඔවුනට ශක්තියක් වෙන්නේ.
එහිදී මේ පාසලේ ක්‍රිකට් ක්‍රීඩාව පුහුණු කිරීම පවා ස්වේච්චා පුහුණුකරුවන්අතින් සිදු වූවත් 13න් පහළ වයස් කාණ්ඩයේ දිස්ත්‍රික් කුසලතාවය දිනාගැනීමට මේ පාසලේ දක්ශ දරුවන් පසුගියවර සමත් වී ඇත. එවන් පසුබිමක් තුළ එවැනි දක්ශයින් ජාත්යන්තරයට තලයට ගෙන ඒමට සහය වීම සමාජ වගකීමක් ලෙස සලකමින් CameraLK අපි මෙසේ ඔවුනට ශක්තියක් විය.
ඒ අනුව පාසලේ ස්වෙච්චා ක්‍රිකට් පුහුණු කරුවන්ගේ ඉල්ලිම මත අපහට මෙම වටිනා කර්ත්‍යවයට දායකවීමට සහ පාසලේ දක්ශ දරුවන් දෙදෙනෙකුට ක්‍රිකට් පුහුණු උපංග කට්ටල ලබාදීමට හැකියාව ලැබුණු අතර ඒ පිලිබඳ නිහතමානී සතුටක් අප සතු වන අතර ඉදිරියටත් දැයේ දරුවන්ගේ අනාගතය අර්ථවත් කිරීමට හැකි උපරිම සහයෝගය ලබාදීම අපගේ එකම ප්‍රාර්ථනයයි!